اسلام آباد (رپورٽ اياز مهر)وفاقي حڪومت سڄي ملڪ ۾ پاسپورٽ جي نئين فيس جو اعلان ڪري ڇڏيو آهي. حڪومت اي پاسپورٽ، مشين ريڊ ايبل (MRP) ۽ گم ٿيل پاسپورٽ جاري ڪرڻ لاءِ الڳ الڳ فيس مقرر ڪئي آهي. 5 سالن لاءِ اي پاسپورٽ (36 صفحن) جي نارمل فيس 3 هزار رپيا ۽ ارجنٽ لاءِ 15 هزار رپيا هوندي. 75 صفحن جي نارمل پاسپورٽ جي فيس 15 هزار 500 رپيا، ارجنٽ فيس27 هزار رپيا هوندي. 36 صفحن واري اي پاسپورٽ لاءِ 13 هزار 500 رپيا، ارجنٽ لاءِ 24 هزار 750 رپيا، 75 صفحن واري نارمل اي پاسپورٽ لاءِ 16 هزار 500 رپيا، ارجنٽ لاءِ 27 هزار رپيا ۽ 10 سالن لاءِ عام فيس لاءِ 24 هزار 750 رپيا ۽ ارجنٽ لاءِ 40 هزار 500 رپيا هوندي. مشين ريڊ ايبل (MRP) پاسپورٽ 5 سالن جي 36 صفحن جي نارمل پاسپورٽ جي فيس 4500 رپيا، ارجنٽ 7500 رپيا، فاسٽ ٽريڪ پاسپورٽ جي فيس 13 هزار 500 رپيا مقرر ڪئي وئي آهي. 72 صفحن تي مشتمل 10 سالن جي ايم آر پي نارمل پاسپورٽ جي فيس 6700 رپيا، ارجنٽ فيس 11 هزار 200 رپيا ۽ فاسٽ ٽريڪ جي فيس 16 هزار 200 رپيا آهي. 72 صفحن جي 5 سالن لاءِ نارمل ايم آر پي فيس 8200 رپيا، ارجنٽ 13 هزار 500 فاسٽ ٽريڪ جي فيس 19 هزار 500 رپيا، 100 صفحن جي ايم آر پي فيس نارمل 9 هزار ارجنٽ رپيا 18 هزار رپيا فاسٽ ٽريڪ 23 هزار رپيا مقرر ڪئي وئي آهي. 10 سالن جي ايم آر پي 100 صفحن جي نارمل فيس 13 هزار 500 رپيا، ارجنٽ فيس 17 هزار رپيا، فاسٽ ٽريڪ جي فيس 32 هزار رپيا مقرر ڪئي وئي آهي. پهرين، ٻئي ۽ ٽئين ڀيري گم ٿيل پاسپورٽ لاءِ الڳ الڳ فيس مقرر ڪئي وئي آهي، پهرين گم ٿيل پاسپورٽ لاءِ 54 هزار رپيا ۽ ٽئين گم ٿيل پاسپورٽ لاءِ 3 لک 56 هزار رپيا وصول ڪيا ويندا.
