اسلام آباد(بيورو رپورٽ)ڪاٽن جنرز فورم جي چيئرمين احسان الحق جو چوڻ آهي ته پاڪستان لاءِ آمريڪا مان ڪپهه جي درآمد ۾ رڪارڊ اضافو ٿيو آهي.هڪ بيان ۾ احسان الحق چيو آهي ته آمريڪا مان هڪ هفتي دوران 72 هزار بيلز جي درآمد جا معاهدا ڪيا ويا آهن.هن چيو ته هن سال پاڪستان دنيا ۾ آمريڪي ڪپهه جو سڀ کان وڏو خريدار بڻجي ويو آهي، ڪپهه جي 3 ملين کان وڌيڪ بيلز جي درآمد جا معاهدا مڪمل ڪيا ويا.ڪپتان جنرز فورم جي چيئرمين جو چوڻ آهي ته ڪپهه جي گهٽ پيداوار ۽ معياري ڪپهه جي محدود دستيابي سبب درآمد وڌي رهي آهي.احسان الحق اهو به چيو آهي ته ڪپهه جو اگهه به 200 رپين جي واڌ سان 18 هزار 200 رپين تائين پهچي ويو آهي.
