ڊيلس (ويب ڊيسڪ) پاڪستان 7 وڪيٽن تان ڪئناڊا کي شڪست ڏئي 17.3 اوورز ۾ ميچ کٽي ورتي. رنز جو بظاهر آسان ٽارگيٽ حاصل ڪرڻ لاءِ صائم ايوب ۽ محمد رضوان اننگ شروع ڪئي ته 12 بالن کيڏڻ بعد 6 رنس ٺاهي صائم ايوب ڊيلون هيلائيگر جي بال تي ڪيپر شيراس هٿان ڪيچ ٿيو. بار ۽ رضوان اسڪور آهستي آهستي اڳتي وڌايو 15 هين اوور ۾ بابراعظم ڀارت واري ميچ جيان ڪٽ شاٽ کيڏڻ جي چڪر ۾ ڊيلون هيلائيگر جي بال تي هڪ ڇڪي ۽ هڪ چوڪي بعد 33 بالن تي 33 رنز ٺاهي آئوٽ ٿيو. پاڪستان کي آمريڪا کان بهتر رن ريٽ ڪرڻ لاءِ هي ميچ 13.5 اوورن ۾ کٽڻو هو جنهن ۾ هو ناڪام ويا. رضوان 17 هين اوور ۾ ففٽي مڪمل ڪئي ۽ پاڪستان به سينچري ڪراس ڪئي. رضوان 53 بالن تي 53 رنز ٺاهيون هن هڪ ڇڪو ۽ 2 چوڪا هڻي سگهيو. 3 رنسون گهربل هيون 17 بالن تي فخر 6 بالن تي 4 رنز ٺاهي ڪيچ ٿيو. ان کان اڳ ڪئناڊا بيٽنگ ڪندي مقرر 20 اوورن ۾ 7 وڪيٽن تي 106 رنسون ٺاهيون. ان کان اڳ آءِ سي ٽي 20 ورلڊ ڪپ ۾ پاڪستان ڪئناڊا خلاف ٽاس کٽي فيلڊنگ جو فيصلو ڪيو، جيڪو لاڀائتو ثابت ٿيو، 10 اوورن ۾ 55 رنسن تي ڪئناڊا جون پنج وڪيٽون پاڪستان حاصل ڪيون. محمد عامر بريڪ ٿرو ڪندي اوپنر نوَنيت ڌليوال کي پنهنجي پهرين اوور ۾ بولڊ ڪيو پر ان کان اڳ هنکي هو چوڪو به هڻي چڪو هو. باقي پنج بال عامر مس ڪرائيندي وڪيٽ به ورتي. پرگات سنگهه کي شاهين آفريدي فخر هٿان سلپ ۾ ڪيچ ڪريو هن 2 رنسون ٺاهيون، هڪ رن ٺاهيندڙ نڪولس ڪرٽن، عماد وسيم جي ڊائريڪٽ ٿرو تي رن آئوٽ ٿيو. جنهن بعد ڏهين اوور ۾ حارث رئوف وڪٽ ڪيپر بيٽسمين شريا مووا کي رضوان هٿان ڪيچ ڪرايو ۽ ساڳئي اوور ۾ رويندر پال سنگهه کي فخر هٿان ڪيچ ڪرايو. ڪئناڊا جو اوپنر ايرون جانسن ۽ ڪپتان سعد بن ظفر اسڪور اڳتي وڌايو. عماد وسيم کي ٽئين اوور جي چوٿين بال تي ڇڪو هڻي جانسن ففٽي مڪمل ڪئي. هنکي 44 بالن تي 4 ڇڪن ۽ 4 چڪن جي مدد سان 52 رنسون ٺاهيندڙ جانسن کي نسيم شاهه بولڊ ڪيو ته 14 اوور مڪمل ٿيڻ تي ڪئناڊا جو اسڪور 6 وڪيٽن جي نقصان تي 75 هو. 16هيو اوور ۾ ڪپتان سعد بن ظفر 21 بالن تي 10 رنسون ٺاهي عامر جو ٻيو شڪار بڻيو ۽ رضوان رننگ ڪيچ ورتو. عامر 4 اوورن ۾ 13 رنسن عيوض 2 وڪيٽون ۽ شاهين آفريدي 4 اوورن ۾ 21 رنس ڏئي هڪ وڪيٽ ورتي. عماد وسيم 4 اوورن ۾ 19 رنسون ڏنيون پر کيس وڪيٽ نه ملي. حارث رئوف 4 اوورن ۾ 26 رنسون ڏئي 2 وڪيٽون ورتيون ۽ ٽي ٽوئنٽي ۾ تيز ترين وڪيٽن جي سينچري مڪمل ڪئي. شاداب خان 107 وڪيٽن سان سڀني کان وڌيڪ وڪيٽون وٺڻ ۾ اڳتي آهي ۽ حارث ٻيو پاڪستاني آهي جنهن 100 وڪيٽون ورتيون آهن، هن اهو ڪم 71 هين ميچ ۾ مڪمل ڪيو، ان اڳ آئرلينڊ جي مارڪ اڊائير 72 اننگز م وڪيٽن جي سينچري مڪمل ڪئي هئي. افغانستان جي راشد خان 54 هين ۽ سريلنڪا جي هسا رنگا 63 هين ميچ ۾ وڪيٽن جي سينچري مڪمل ڪري چڪا آهن. نسيم شاهه آخري اوور ڪرايو ۽ هن 4 اوورن ۾ 24 رنس ڏئي هڪ وڪيٽ ورتي، کيس ڇڪو به لڳو. ڪليم ثنا ٽيون پليئر هو جيڪو ڊبل فگر اسڪور ڪري سگهيو هن 14 بالن تي 13 رنز ٺاهيون. ڊيلون هيلائيگر 9 رنسن تي ناٽ آئوٽ رهيو. پاڪستان ٽيم ايونٽ ۾ پنهنجي پهرين فتح جي منتظر آهي، پهرين ميچ ۾ آمريڪا ۽ ٻئي ۾ روايتي حریف ڀارت کان شڪست کائڻ بعد سخت تنقيد جو نشانو بڻيل آهي. ايونٽ ۾ رهڻ لاءِ پاڪستان کي نه رڳو پنهنجون ايندڙ ٻه ميچون کٽڻ گهرجن پر سندن انحصار اگر مگر تي هوندو. آمريڪا جيڪڏهن ڀارت ۽ آئرلينڊ کان وڏي مارجن تي هارائي ته رن ريٽ تي پاڪستان جو چانس بڻجي سگهي ٿو.
