واشنگٽن (ويب ڊيسڪ)آمريڪا ڊگهي فاصلي جي بيلسٽڪ ميزائل جي پيداوار بابت چئن پاڪستاني ادارن تي پابندي جو اعلان ڪري ڇڏيو آهي.واشنگٽن ۾ پريس بريفنگ ڏيندي آمريڪي اسٽيٽ ڊپارٽمينٽ جي ترجمان ميٿيو ملر چيو ته انهن چئن پاڪستاني تنظيمن تي الزام آهي ته اهي پاڪستان جي بيلسٽڪ ميزائل پروگرام کي اڳتي وڌائڻ ۾ مدد ڪن ٿا.هن چيو ته هن سپورٽ ۾ خاص گاڏين جي چيسس جي تياري پڻ شامل آهي جيڪي بيلسٽڪ ميزائل لانچ ڪرڻ لاء استعمال ڪيا ويندا آهن. ان کان علاوه ڪراچي جي ٽن ادارن جي به نشاندهي ڪئي وئي آهي.ترجمان جو چوڻ آهي ته وڏي تباهي واري هٿيارن يا انهن جي پهچائڻ جي ذريعن خلاف ڪارروائي ڪئي ويندي.آمريڪي پابندين کان متاثر ٿيندڙ پاڪستاني ادارن ۾ اسلام آباد ۾ نيشنل ڊولپمينٽ ڪمپليڪس ۽ ڪراچي ۾ قائم ٽي ادارا اختر اينڊ سن، ايفيليئيٽس انٽرنيشنل ۽ راڪس سائڊ انٽرنيشنل شامل آهن.
