دبئي(ويب ڊيسڪ)گڏيل عرب امارتن ۽ عمان ۾ کيڏي ويندڙ ٽي 20 ورلڊ ڪپ جي ستين ايڊيشن جي سپر 12 رائونڊ ۾ پاڪستان پنهنجي پهرين ٽن ميچن ۾ ڀارت، نيوزيلينڊ ۽ افغانستان کي آساني سان شڪست ڏئي سيمي فائنل ۾ پهچڻ جي راهه هموار ڪري ڇڏي آهي. ورلڊ ڪپ جي تاريخ ۾ اهو پهريون ڀيرو هو جو پاڪستان ڀارت کي شڪست ڏني، جڏهن ته نيوزيلينڊ ۽ افغانستان کي پنج وڪيٽن تان شڪست ڏيڻ کانپوءِ هاڻ پاڪستان تجزيه نگارن جي نظرن ۾ ٽورنامينٽ جي پسنديده ٽيمن مان هڪ بڻجي ويو آهي. پاڪستان جون ايندڙ ٻه ميچون نميبيا ۽ اسڪاٽ لينڊ خلاف آهن ۽ تجزيه نگارن جو خيال آهي ته ٻنهي ميچن ۾ پاڪستان جي فتح يقيني آهي. ان کان اڳ ايونٽ جي ڪواليفائنگ رائونڊ ۾ ڪجهه دلچسپ ميچون ڏسڻ ۾ آيون ۽ ميچ جي پڄاڻي تي سريلنڪا، بنگلاديش، اسڪاٽ لينڊ ۽ نمبيا جون ٽيمون سپر 12 مرحلي ۾ پهچي ويون. سريلنڪا ۽ بنگلاديش گروپ 1 ۾ جڏهن ته اسڪاٽ لينڊ ۽ نميبيا گروپ 2 ۾ شامل آهن. ان ترقيءَ کانپوءِ گروپ 1 ڏاڍو ڏکيو گروپ بڻجي ويو آهي جتي سموريون ٽيمون آءِ سي سي جون مڪمل ميمبر آهن. ورلڊ ٽي ٽوئنٽي جو ستين ايڊيشن 2020 ۾ ٿيڻو هو پر عالمي وبا ڪورونا وائرس سبب ملتوي ڪيو ويو. اڄ ڀارت جو شارجا ۾ ٽي بي سي سان ميچ آهي جڏهن ته ٻن سپر اسٽاقر ٽيمز يعني انگلينڊ ۽ آسٽريليا جو به اڄ اهم ميچ آهي جيڪو دبئي ۾ کيڏيو ويندو.
