اسلام آباد(بيورو رپورٽ) ملڪ ۾ پيٽروليم شين جي مجموعي درآمد ۾ گهٽتائي رڪارڊ ڪئي وئي آهي.دستاويزن موجب ملڪي پيٽروليم شين جي مجموعي درآمد ۾ گهٽتائي رڪارڊ ڪئي وئي.دستاويزن موجب آڪٽوبر دوران پيٽروليم شين جي درآمدات ۾ سال جي ڀيٽ ۾ 38.34 سيڪڙو گهٽتائي آئي. ۽ 734 هزار ٽن کان وڌيڪ پيٽروليم مصنوعات درآمد ڪئي وئي جڏهن ته هڪ مهيني دوران پيٽروليم شين جو درآمدي بل 398.4 ملين ڊالر رهيو.دستاويزن موجب گذريل سال آڪٽوبر ۾ 928 هزار ٽن پيٽروليم شين جي درآمد ڪئي وئي هئي جڏهن ته گذريل سال ساڳئي مهيني ۾ پيٽروليم شين جو درآمدي بل 64 ڪروڙ 61 لک ڊالر هو آڪٽوبر خام تيل جي درآمد ۾ پڻ 43.26 سيڪڙو جي وڏي گهٽتائي رڪارڊ ڪئي وئي. هڪ مهيني دوران 571 هزار ٽن کان وڌيڪ خام تيل درآمد ڪيو ويو جنهن جو درآمدي بل 306.2 ملين ڊالر کان وڌيڪ آهي.دستاويز ۾ چيو ويو آهي ته گذريل مالي سال آڪٽوبر ۾ 8 لک 64 هزار 708 ٽن خام تيل درآمد ڪيو ويو. گذريل سال آڪٽوبر ۾ خام تيل جو درآمدي بل 539.781 هزار ڊالر هو.سرڪاري دستاويزن موجب آڪٽوبر ۾ قدرتي مائع گيس جي درآمدات جو حجم 27 ڪروڙ 89 لک ڊالر کان وڌيڪ رهيو جڏهن ته آڪٽوبر ۾ پيٽروليم گئس جي درآمدات جو حجم 20 سيڪڙو جي سالياني واڌ سان 7 ڪروڙ 79 لک ڊالر کان وڌيڪ رهيو.دستاويزن ۾ چيو ويو آهي ته آڪٽوبر ۾ پيٽروليم شعبي هڪ ارب ڊالر کان وڌيڪ جي ڪل وارداتون ڪيون، جڏهن ته مجموعي درآمدن ۾ 30.55 سيڪڙو سالياني گهٽتائي رڪارڊ ڪئي وئي. هلندڙ مالي سال جولاءِ کان آڪٽوبر تائين پيٽروليم شعبي جي ڪل درآمدات 5.11 بلين ڊالر هئي.
