ڪراچي (اسٽاف رپورٽر) پرديس ۾ رهندڙ پاڪستانين مئي ۾ 3.24 بلين ڊالر جي وڏي رقم پاڪستان موڪلي. اسٽيٽ بئنڪ آف پاڪستان پاران جاري ڪيل انگن اکرن موجب گذريل سال مئي ۾ 2 ارب 10 ڪروڙ ڊالرن جي وصولين جي مقابلي ۾ اها رقم 54 سيڪڙو وڌيڪ آهي. گذريل مهيني حاصل ڪيل رقم 2018 ۾ 15.3 سيڪڙو وڌيڪ هئي، جڏهن 2.8 بلين ڊالر وصول ڪيا ويا.موڪلن ۾ وصولي خاص طور تي قابل ذڪر آهي ڇو ته اوورسيز پاڪستانين مالي سال 2023 دوران 4 بلين ڊالر گهٽ موڪليا، جڏهن ته هلندڙ مالي سال جي جولاء کان مئي جي عرصي دوران وصول ڪيل 27.9 بلين ڊالر گذريل سال جي ڀيٽ ۾ 8 سيڪڙو وڌيڪ آهن جيڪڏهن اهو سلسلو جاري رهيو ته جون ۾، اهو پاڪستان جي تاريخ ۾ ٻيو نمبر وڏو سالياني رقم پاڪستان اچي سگهي ٿي، اوورسيز پاڪستانين مالي سال 2022 ۾ 31.28 بلين رپيا موڪليا هئا.
![](https://www.dailysindhyar.com/wp-content/uploads/2022/07/Dollar-2.jpg)