اسلام آباد (اسپورٽس نيوز)يورپ جي دوري تي پاڪستاني ٽيم پنهنجي مهم جي ڪاميابي سان شروعات ڪئي ۽ هالينڊ کي 3 جي مقابلي ۾ 5 گولن تان شڪست ڏئي ڇڏي، رضوان هيٽ ٽرڪ اسڪور ڪئي. يورپ جي دوري تي موجود پاڪستان هاڪي ٽيم پهرين ميچ ۾ هالينڊ کي شڪست ڏئي ڇڏي. جڏهن راند شروع ٿي ته پاڪستان جي اعجاز هڪ گول ڪري ٽيم کي برتري ڏياري پر هالينڊ لڳاتار ٻه گول ڪري هڪ گول جي برتري حاصل ڪري ورتي. ٽئين ۽ چوٿين ڪوارٽر ۾ پاڪستاني ٽيم نه رڳو برتري حاصل ڪئي پر ميچ 3 جي مقابلي ۾ 5 گولن تان کٽي ورتي. پاڪستان طرفان رضوان 3، مبشر ۽ اعجاز هڪ هڪ گول ڪيو.
