چنئي (ويب ڊيسڪ)283 رنز جو مليل ٽارگيٽ حاصل ڪرڻ لاءِ افغانستان جي ٽاپ آرڊر خلاف پاڪستاني بالنگ بيوس نظر آئي. افغانستان 8 وڪيٽن تان پاڪستان کي شڪست ڏئي تاريخي فتح حاصل ڪئي. آخري ٻن اوورن ۾ 4 رنز گهربل هيون جيڪي هنن 6 بال باقي هئا ته ٽارگيٽ حاصل ڪري ورتو. ڙهمت شاهه 77 ۽ حشمت الله 48 تي ناٽ آئوٽ رهيا. افغان اوپنرز ففٽيون اسڪور ڪيون رحمان الله گرباز65 ۽ ابراهيم زدران 87 رنز ٺاهي3 آئوٽ ٿيا. بهترين ۽ مّبوط بنياد ملڻ بعد رحمت شاهه به ففٽي ڪئي ۽ ڪپتان حشمت الله سان گڏ اسڪور اڳتي وڌايو. پوري ميچ دوران افغانستان جي گرپ رهي. پاڪستان جي بيٽنگ، بالنگ ۽ فيلڊنگ ۾ بدتر ڪارڪردگي نظر آئي. هن وقت تائين ٻنهي ملڪن ۾ 7 ميچ ٿيا هئا جيڪي سڀ پاڪستان کٽيا هئا. انٽرنيشنل ڪرڪيٽ ڪائونسل (آءِ سي سي) ورلڊ ڪپ جي 22هين ميچ ۾ پاڪستان افغانستان خلاف ٽاس کٽي بيٽنگ جو فيصلو ڪيو. افغانستان خلاف ميچ ۾ محمد نواز جي جاءِ تي شاداب خان کي ٽيم ۾ شامل ڪيو ويو آهي. پاڪستان جي پهرين وڪيٽ يارهين اوور ۾ 56 تي ڪري جڏهن امام الحق 17 رنسون ٺاهي عظمت الله جي بال تي نوين الحق هٿان ڪيچ ٿيو. 23هين اوور ۾ 110 جي مجموعي اسڪور تي عبدالله شفيق ٻن ڇڪن ۽ 5 چوڪن جي مدد سان 75 بالن تي 58 رنسون ٺاهي نور احمد جي بال تي ايل بي ڊبليو ٿيو، امپائر آئوٽ نه ڏنو هو پر رويو ۾ آئوٽ ٿيو. عبدالله شفيق پاور پلي ۾ پاڪستان پاران پهريون ڇڪو هنيو. نور احمد کي فضل فاروقي جي جاءِ تي کيڏايو ويو آهي. 120 جي اسڪور تي رضوان 8 رنسون ٺاهي نوجوان نور احمد جھو ٻيو شڪار بڻيو، کيس مجيب ڪيچ ڪيو. 25 رنسون ٺاهي سعود شڪيل به محمد نبي جي بال تي راشد خان هٿان ڪيچ ٿيو. 206 جي مجموعي اسڪور تي ڪپتان بابراعظم 41 هين اوور ۾ هڪ ڇڪي ۽ 4 چوڪن جي مدد سان 92 بالن تي 74 رنسون ٺاهي نور احمد جي بال تي محمد نبي هٿان ڪيچ ٿيو. شاداب ۽ افتخار بعد ۾ اسڪور اڳتي وڌايو. ٽاس جي موقعي تي ڳالهائيندي پاڪستان ڪرڪيٽ ٽيم جي ڪپتان بابر اعظم چيو ته هو ٽنهي شعبن ۾ سٺي ڪارڪردگي ڏيکارڻ جي ڪوشش ڪندا.”مون ڇوڪرن کي چيو ته ڪوشش ڪندا رهو،“ افغان ڪپتان حشمت الله شاهدي چيو ته بيٽنگ ڪرڻ چاهيان ٿو، پاڪستان کي 250 تائين محدود ڪرڻ چاهيان ٿو.هن چيو ته ٽيم ۾ تبديلي ڪئي وئي آهي، فضل الحق جي جاءِ تي نور احمد کي شامل ڪيو ويو آهي.
