ملتان(ويب ڊيسڪ)پاڪستان ٽن ون ڊي ميچن جي سيريز جي پهرين ميچ ۾ ويسٽ انڊيز کي 5 وڪيٽن تان شڪست ڏئي سيريز ۾ 0-1 جي سرسي حاصل ڪري ورتي. پاڪستان 306 رنسن جو هدف آخري اوور ۾ 5 وڪيٽن جي نقصان تي حاصل ڪري ورتو، بابر اعظم 103 ۽ امام الحق 65 رنسون ٺاهي نمايان رهيا. ملتان جي انٽرنيشنل ڪرڪيٽ اسٽيڊيم ۾ کيڏيل ميچ ۾ ويسٽ انڊيز جي ڪپتان ٽاس کٽي پهريان بيٽنگ جو فيصلو ڪيو. ويسٽ انڊيز جي اننگز ميزبان ٽيم پهريان بيٽنگ ڪندي مقرر 50 اوورن ۾ 8 وڪيٽن جي نقصان تي 305 رنسون ٺاهيون. ويسٽ انڊيز طرفان شائي هوپ 127 ۽ شمنها بروڪس 70 رنسون ٺاهي نمايان رهيا، ان بعد رومن پاول 32، روماريو شيفرڊ 25 ۽ ڪپتان نڪولس پورون 21 رنسون ٺاهي نمايان رهيا.پاڪستان طرفان حارث رئوف 4، شاهين شاهه آفريدي 2، محمد نواز ۽ شاداب خان هڪ هڪ وڪيٽ ورتي. پاڪستان جي اننگز 306 رنسن جي هدف جي تعاقب ۾ پاڪستاني ٽيم جي شروعات سٺي نه رهي ۽ 26 رنسن جي مجموعي اسڪور تي اوپنر فخر زمان 11 رنسون ٺاهي آئوٽ ٿي ويو.هڪ وڪيٽ وڃائڻ کانپوءِ ڪپتان بابر اعظم ۽ امام الحق ذميواراڻي بيٽنگ ڪئي ۽ ٻنهي وچ ۾ 103 رنسن جي پارٽنرشپ قائم ٿي پر امام الحق 65 رنسون ٺاهي پويلين موٽي ويو.جڏهن ته ڪپتان بابر ۽ نئين رانديگر محمد رضوان شاندار بيٽنگ ڪندي ٽيم جو اسڪور 237 رنسن تائين پهچايو، ان دوران بابر پنهنجي ون ڊي ڪيريئر جي 17هين سينچري اسڪور ڪئي پر هو 103 رنسون ٺاهي آئوٽ ٿي ويو.ان کان علاوه رضوان به 59 رنسون ٺاهي ٽيم کي آئوٽ ڪري ڇڏيو، جڏهن ته آخري اوور ۾ خوشدل شاهه جارحاڻي بيٽنگ جو مظاهرو ڪندي آخري اوور ۾ ٽيم کي فتح ڏياري.هن 23 بالن تي 41 رنسن جي ناقابل شڪست اننگز کيڏي.
