لاهور(ويب ڊيسڪ)قومي ٽيم جي اڳوڻي ڪپتان ڏکڻ آفريڪا هٿان ڀارت جي شڪست تي خيالن جو اظهار ڪيو آهي.گذريل ڏينهن پرٿ ۾ کيڏيل ميچ ۾ ڏکڻ آفريڪا ڀارت کي آساني سان 5 وڪيٽن تان شڪست ڏئي ڇڏي. ميچ دوران ڀارتي رانديگرن ڪيچ ڊراپ ۽ رن آئوٽ به ڇڏيا، جنهن تي بليو شرٽس کي سخت تنقيد جو نشانو بڻايو پيو وڃي.پاڪستان ڪرڪيٽ ٽيم جي اڳوڻي ڪپتان سليم ملڪ به ڏکڻ آفريڪا هٿان ڀارت جي شڪست تي سخت ردعمل جو اظهار ڪيو آهي.سليم ملڪ خانگي ٽي وي تي خيالن جو اظهار ڪندي دعويٰ ڪئي ته ڀارت ڪڏهن به نه چاهيندو ته پاڪستان اڳتي وڌي.هن چيو ته ڀارت تمام خراب فيلڊنگ ڪئي، جيڪڏهن ڀارتي رانديگر ٿوري بهتر فيلڊنگ ڪن ها ته ميچ نه هارن ها، هن جيڪي ڪيچ ڊاهيا اهي مس نه ٿين ها.سليم ملڪ چيو ته پاڪستان ۽ ڀارت هميشه هڪ ٻئي جا حريف رهيا آهن، ڀارتي ٽيم ميچ جي شروعات ۾ ٿورو جوش ۽ جذبو ڏيکاريو، پر مون کي ان تي ٿورو شڪ آهي ته هنن جيڪا فيلڊنگ ڪئي ان تي مون کي شڪ آهي، ڀارت ڪڏهن به نه چاهيندو ته پاڪستاني ٽيم اڳتي اچي. .
