اسلام آباد (ويب نيوز) انڊيا پنهنجي انتظام هيٺ ڪشمير جي خاص آئيني حيثيت ختم ڪرڻ کانپوءِ هڪ دفعو وري پاڪستان ۽ چين جي انتظام هيٺ ڪشمير ۾ جاري سي پيڪ منصوبي جو ڪم بند ڪرڻ جو مطالبو ڪيو آهي. چين جي وزير خارجه جي ويجهو ئي پاڪستان جي دوري کانپوءِ انڊيا جي ميڊيا ۾ دفتر خارجه جي ترجمان وريش ڪمار جو بيان سامهون آيو آهي جنهن ۾ هن ڄمون ۽ ڪشمير کي انڊيا جو حصو قرار ڏيندي سي پيڪ منصوبي تي پنهنجي خدشن جو اظهار ڪيو آهي، انڊين ترجمان جي مطابق پاڪستان ان علائقن تي 1947 کانغير قانوني قبضو ڪري رکيو آهي. واضع رهي ته انڊيا ماضي ۾ به ڪافي ڀيرا ٻنهي ملڪن جي وچ ۾ 60 بلين ڊالر جي سي پيڪمنصوبي تي اعتراض واري چڪو آهي ۽ هن اهو موئقف اختيار ڪيو هو ته ڪشمير ۽ گلگت بلتستان جي جھيڙي وارن علائقن ۾ هي منصوبو شروع نه ٿو ڪري سگهجي.
