اسلام آباد(بيورو رپورٽ)پاڪستان ٽيلي ڪميونيڪيشن اٿارٽي (پي ٽي اي) ملڪ ۾ غير رجسٽرڊ وي پي اينز کي بلاڪ ڪرڻ شروع ڪري ڇڏيو آهي.پي ٽي اي ذريعن موجب وي پي اينز کي وائيٽ لسٽ ڪرڻ لاءِ عارضي طور تي بلاڪ ڪيو پيو وڃي، غير رجسٽرڊ وي پي اينز سيڪيورٽي جو خطرو آهن.ذريعن جو چوڻ آهي ته غير رجسٽرڊ ۽ غير قانوني وي پي اينز به حساس ڊيٽا ۽ غير قانوني مواد تائين رسائي ڪري سگهن ٿا.پي ٽي اي 2010ع ۾ وي پي اينز جي رجسٽريشن شروع ڪئي، هن وقت تائين 20 هزار 500 وي پي اينز رجسٽرڊ ٿي چڪا آهن.ذريعن جو چوڻ آهي ته هن وقت تائين 1422 کان وڌيڪ ڪمپنيون وي پي اينز رجسٽرڊ ڪيون آهن. ايجنسي جو چوڻ آهي ته پي ٽي اي وي پي اينز کي وائيٽ لسٽ ڪرڻ جي عمل کي تيز ڪرڻ چاهي ٿي.ٻئي طرف صارفين گذريل ڪيترن ئي ڪلاڪن کان مفت وي پي اين استعمال ڪرڻ ۾ مشڪلاتن جي شڪايت ڪري رهيا آهن.
