مانچسٽر(ويب ڊيسڪ) پاڪستان ۽ انگلينڊ جي پهرين ٽيسٽ ميچ جي ٻئي ڏينهن تي انگلينڊ پاڪستان جي پهرين اننگ جي 326 رنز جي جواب ۾ پهنجي اننگ شروع ڪئي ته 9.3 اوورز ۾ انگلينڊ جا 21 رنز تي 3 رانديگر آئوٽ ٿي ويا. روري جوزف برنز 4 بالن تي هڪ چوڪو هڻي شاهين آفريدي جي بال تي ايل بي ڊبليو آئوٽ ٿيو، ڊوم سبلي 8 بالن تي 8 رنز اسڪور ڪري عباس جي بال تي ايل بي ڊبليو ٿيبين اسٽوڪ 7 بالن تي بنا رن ٺاهي عباس جي بال ڪلين بولڊ ٿيو. ڪپتان جو روٽ 31 بالن تي هڪ رن ۽ اولي پوپ 18 بالن تي 17 رنز سان ڪريز تي موجود آهن. ان کان اڳ پاڪستاني ڪپتان اظهر علي ٽاس کٽي بيٽنگ جو فيصلو ڪيو. شام مسعود ۽ عابد علي اوپننگ ڪئي، عابد ٻن چوڪن جي مدد سان 37 بالن تي 16 رنز ٺاهي آرچر جي بال تي بولڊ ٿيو. ڪپتان اظهر علي به ٻوٽو نه ٻاري سگهيو ۽ 6 بالن تي بنا رن ٺاهي ڪرس ووڪس جي بال تي ايل بي ڊبليو ٿيو، بابر اعظم ۽ شان مسعون اسڪو اڳتي وڌايو ۽ شان مسعود 319 بالن تي ٻن ڇڪن ۽ 18 چوڪن جي مدد سان 156 رنز اسڪور ڪري اسٽيورٽ براد جي بال تي ايل بي ڊبليو ٿيو. هو 24 سالن ۾ پهريون ڀيرو انگلينڊ ۾ سينچري اسڪور ڪندڙ پاڪستاني آهي. بابر اعظم اينڊرسن جي بال تي جو روٽ هٿان 11 چوڪن جي مدد سان 106 بالن تي 69 رنز ٺاهي ڪيچ ٿيو. اسد شفيق هڪ چوڪي جي مدد سان 22 بالن تي 7 رنز ڪري براڊ جي بال تي بين اسٽوڪ هٿان ڪيچ ٿيو. رضوان 41 بالن تي ووڪس جي بال تي جوز بٽلر هٿان ڪيچ ٿيو، شاداب خان 76 بالن تي ٽن چوڪن جي مدد سان 45 رنز ٺاهي ڊوم بيس جي بال تي ڪيپر هٿان ڪيچ ٿيو، ياسر شاهه 25 بالن تي 5 رنز ٺاهي ارچر هٿان ايل بي ڊ بليو ٿيو، محمد عباس آرچر جي پهرين بال تي بنا رن ٺاهي ڪيچ ٿيو.نسيم شاهه 8 بال کيڏڻ بعد بنا رن ٺاهي براد جي بال تي بٽلر هٿان ڪيچ ٿيو ۽ شاهين آفريدي ٻن چوڪن جي مدد سان 18 بالن تي 9 رنز ٺاهي ناٽ آئوٽ رهيو هو. ماهرن موجب پاڪستان جي کٽڻ جو چانس 60 سيڪڙو کان مٿي آهي.
