پريالو (ن س) پريالي ويجهو پيرسن پراسرار نموني قتل ٿي ويو آهي. ڳوٺ بندئي شيخ ۾ 65ورهين جي غلام اصغر شيخ جو گهر مان ڇري لڳل لاش مليو. اطلاع ملڻ بعد پوليس واقعي واري هنڌ پهچي لاش تحويل ۾ وٺي ڳاڙهي موري اسپتال پهچايو، جتان ضروري ڪارروائي بعد مڙهه وارثن حوالي ڪيو ويو. 65ورهين جي غلام اصغر شيخ جو لاش گهر پهچڻ تي ڪهرام مچي ويو. پوليس جو چوڻ آهي ته صبح سوير اطلاع مليو ته پيرسن قتل ٿي ويو آهي، واقعي واري هنڌ پهچي لاش تحويل ۾ وٺي اسپتال مان ضروري ڪارروائي بعد مڙهه وارثن حوالي ڪيو ويو. پوليس موجب، پيرسن اصغر شيخ کي ڇري لڳل هئي، وڌيڪ جاچ ڪئي پئي وڃي.
