ڪراچي (ويب ڊيسڪ)پي ايس ايل 6 جي ميچ ۾ پشاور زلمي ٽاس کٽي ملتان سلطان کي بيٽنگ جي دعوت ڏني ۽ ملتان وارن 20 اوورز ۾ 4 وڪيٽن جي نقصان تي 193 رنز ٺاهيون. زلمي وارن هڪ اوور باقي هو ته 197 رنز ٺاهي 6 وڪيٽن تان ميچ کٽي ورتي. هن مهل تائين جي هاءِ اسڪورنگ ميچ ۾ ڪپتان رضوان 41، جيمز ونس 84 ۽ صهيب مقصود 36 رنز ٺاهي نمايان بيٽسمين رهيا. جيمز ونس 55 بالن تي 9 چوڪن ۽ ٽن ڇڪن جي مدد سان 84 اسڪور ڪيو. زلمي طرفان ثاقب محمود 2، عرفان ۽ عمران هڪ هڪ وڪيٽ ورتي. جوابي بيٽنگ ڪندي زلمي جي اوپنرز ڪامران اڪمل ۽ امام الحق بهترين بيٽنگ ڪندي ٻن اوورز ۾ ته 12 رنز ٺاهيون پر ان بعد ڪامران اڪمل هارڊ هٽنگ شروع ڪئي ۽ شاهد آفريدي سميت سڀني بالرن جي ڌلائي ڪئي پر عثمان قادر پهرين ئي اوور م کيس 37 رنز تي ايل بيڊبليو ڪيو. امپائر عليم ڊار آئوٽ نه ڏنو پر رضوان رويو ورتو ۽ ان ۾ اڪمل آئوٽ ٿيو. ٽوم ڪوهلر پهرين ميچ ۾ اڪمل جي هٽنگ جو انداز جاري رکيو ۽ اسڪور 134 تي پهتو ته امام الحق 48 رنز ٺاهي رن آئوٽ ٿيو. زلمي ۽ سلطان کي پهرين ميچز ۾ شڪست ملي هئي. زلمي کان لاهور قلندر کٽي وئي هئي. ملتان وارن کي اسلام آباد شڪست ڏني هئي. حيدر علي ٻن چڪن ۽ ٻن ڇوڪ جي مدد سان 8 بالن تي 24 رنس اسڪور ڪري ميچ کٽائي ورتي. شعيب ملڪ 5 بالن تي 11 رنز ٺاهي حيدر علي سان گڏ ناٽ آئوٽ رهيا. ان کان اڳ ردرفورڊ 6 بالن تي 15 رنز ٺاهي آئوٽ ٿيو هو. ملتان پاران شاهنواز ڏاهاڻي جيڪو شڪارپور جو آهي تنهن هڪ اوور ۾ 2 وڪيٽون ورتيون. هڪ وڪيٽ عثمان قادر ورتي. مين بالر سهيل تنوير 3 اوورز ۾ 40 رنز ڏنيون ۽ ڪا وڪيٽ نه ورتي.
