لاهور (ويب ڊيسڪ)تحريڪ انصاف جي اڳواڻ زرتاج گل چيو آهي ته مريم نواز جو رويو انتهائي پريشان ڪندڙ آهي.پنهنجي هڪ بيان ۾ هن چيو ته مريم نواز ۽ پنجاب حڪومت سموگ تي جيڪي قدم کڻڻا هئا اهي نه کنيا، پنجاب جي وڏي وزير 13 ڪروڙ شهرين کي ڇڏي ڏنو.زرتاج گل چيو ته ماحوليات وارو وزير به گڏ هليو ويو، لاهور کان روجھان تائين پنجاب بند ٿي رهيو آهي ۽ حڪمران دنيا جي ماحوليات واري هنڌ جا دورا ڪري رهيا آهن.پي ٽي آءِ اڳواڻ چيو آهي ته اهي ماڻهو پريشان نه آهن جيڪي هن سموگ ۽ خراب ماحول ۾ زندگي گذاري رهيا آهن.هن اهو به چيو ته فصلن کي ساڙڻ ۽ ماحوليات کي بچائڻ لاءِ اپاءَ ورتا ويا آهن، انتظاميه پي ٽي آءِ خلاف رڳو ليڪچر ڏئي رهي آهي.
