لاهور (ويب ڊيسڪ)ڪائونٽر ٽيررازم ڊپارٽمينٽ (سي ٽي ڊي) پنجاب جي مختلف شهرن ۾ ڪارروايون ڪري 16 دهشتگردن کي گرفتار ڪري ورتو.سي ٽي ڊي ترجمان موجب لاهور مان فتنا الخوارج جي هڪ دهشتگرد کي گرفتار ڪيو ويو آهي، جنهن وٽان هٿيار ۽ ڌماڪيدار مادو هٿ ڪيو ويو آهي، جنهن جو تعلق اتر وزيرستان سان آهي.آپريشن بهاولپور، منڊي بهاءُ الدين، ميانوالي، ٽوبه ٽيڪ سنگهه، رحيم يار خان، چنيوٽ ۽ وهاري ۾ ڪيو ويو.سي ٽي ڊي ترجمان موجب دهشتگردن وٽان بارودي مواد، آءِ اي ڊي بم ۽ ڊيٽونيٽرز هٿ ڪيا ويا آهن.ترجمان جو چوڻ آهي ته دهشتگرد مختلف هنڌن تي ڪارروايون ڪرڻ چاهيندا هئا.گرفتار دهشتگردن کان وڌيڪ جاچ پڻ ڪئي پئي وڃي.
