ٽنڊوباگو (رپورٽ:- سھيل سمون) مير غلام محمد خان ٽالپر اسٽيڊيم تي هلندڙ انٽر ڪلب چيمپين ليگ ڪرڪيٽ ٽورنامنٽ جي پنجين رائونڊ ميچ ۾ مرزا ڪرڪيٽ ڪلب ماتلي ۽ بلوچ ڪرڪيٽ ڪلب ٽنڊوباگو جي ٽيمن وچ ۾ ٿيل ميچ ۾ مرزا ڪلب ماتلي جي ڪيپٽن ٽاس کٽي پهرين بيٽنگ ڪرڻ جو فيصلو ڪيو. مرزا ڪرڪيٽ ڪلب جي ٽيم 40 اوورن ۾ 193 رنسون اسڪور ڪيون. مرزا ڪلب جي بيٽسمين محمد خان 86 رنسون اسڪور ڪيون، جڏهن ته بلوچ ڪرڪيٽ ڪلب جي بالرن بهترين بالنگ ڪندي حمزه زنئور ۽ مرتضي زنئور ٽن ٽن رانديگرن کي آئوٽ ڪري ڇڏيو. موٽ ۾ بلوچ ڪرڪيٽ ڪلب جي ٽيم 37 اوورن ۾ مليل حدف مڪمل ڪري ستن وڪيٽن تان ميچ کٽي ورتو. بلوچ ڪرڪيٽ ڪلب جي بيٽسمين نصير احمد 56 رنسون اسڪور ڪيون. مرزا ڪلب جي بالرن وقار ۽ جھانگير ٻن ٻن رانديگرن کي آئوٽ ڪيو. مين آف دي ميچ جو ايوارڊ بلوچ ڪرڪيٽ ڪلب جي رانديگر نصير احمد کي ڏنو ويو.
