راولپنڊي(ويب ڊيسڪ)پاڪستان ۽ آسٽريليا وچ ۾ پهرين ٽيسٽ جي چوٿين ڏينهن جو پهريون سيشن گذريل رات تيز برسات پوڻ سبب گرائونڊ ۾ پاڻي بيهڻ ۽ پچ آلي ٿي وچڻ سبب سومر ڏينهن راند دير سان شروع ٿي. آسٽريليا 7 وڪيٽن تي 449 رنز اسڪور ڪيون ۽ پاڪستان جي پهرين اننگ جي ٽريل 27 رنز رهجي وئي آهي. مارنس 90 ۽ اسٽيو سمٿ 78 رنز ٺاهي ڪيچ ٿيا.ڪيمرون گرين 48 ۽ اليڪس ڪيري 19 رنز اسڪور ڪري آئوٽ ٿيا. پاڪستان جو ڪامياب بالر نعمان علي رهيو جنهن 4 وڪيٽون ورتيون. مچل استارڪ ۽ پيٽ ڪمنز ناٽ آئوٽ آهن ۽ ڪيريز تي موجود آهن. 3 مارچ تي شروع ٿيل ميچ جي ٻن ڏينهن ۾ پاڪستان 4 وڪيٽن جي نقصان تي 472 رنز ٺاهڻ بعد اننگ ڊڪليئر ڪري آخري سيشن ۾ آسٽريليا کي بيٽنگ جو موقعو ڏنو هو آسٽريليا ٻن وڪيٽن جي نقصان تي 271 رنز ٺاهيون جنهن بعد ٻئي ۽ ٽئين ڏينهن گهٽ روشني سبب ميچ متاثر ٿي، ان بعد بارش سبب به ميچ ڪافي متاثر رهي آهي. جنهن بعد امڪان آهي ته پهرين ٽيسٽ ڊرا ٿي ويندي. عثمان خواجا 97 رنز تي نعمان جي بال تي امام الهق هٿان ڪيچ ٿيو ۽ ڊيوڊ وارنر 68 جي ذاتي اسڪور تي ساجد خان بولڊ ڪيو هو. مارنس ليبسچيجن 69 ۽ اسٽيو سمٿ 24 تي ناٽ آئوٽ ڪيريز تي موجود آهي. ان کان اڳ پاڪستان ٽاس کٽي بيٽنگ جو فيصلو ڪيو هو ۽ پهرين ڏينهن عبدالله شفيق 44 رنز تي ڪيچ ٿيو هو ۽ ٻئي ڏينهن امام الحق ۽ اظهر علي ڊبل سينچريون ٺاهڻ ۾ ناڪم ٿيندي ترتيبوار 157 ۽ 185 تي آئوٽ ٿيا هئا ۽ بابر اعظم 36 رنز ٺاهي رن آئوٽ ٿيو هو. جنهن بعد محمد رضوان 29 ۽ محمد افتخار 13 رنز تي ناٽ آئوٽ هئا ته پاڪستان 4 وڪيٽن جي نقصان تي 472 رنز تي اننگ ڊڪليئر ڪئي هئي.
