برسبين(ويب ڊيسڪ) 94 رنز جو ٽارگيٽ حاصل ڪرڻ لاءِ پاڪستان جي اڌ ٽيم 16 رنز تي آئوٽ ٿي وئي. صاحبزادا فرحان پهرين اوور ۾ 2 چوڪا هڻي آ.وٽ ٿيو، ٻئي اوور م رضوان به بنا رن ٺاهڻ جي ڪيچ ٿي ويو. عثمان خان هڪ چوڪو هڻي ڪيچ ٿي ويو، بابر اعظم 3 رنسون ٺاهي ڪيچ ٿيو، سلمان آغا به هڪ چوڪو هڻي ڪيچ ٿي ويو، عرفان نيازي بنا رن ٺاهڻ جي ڪيچ ٿيو، حسيب الله خان 8 بالن تي هڪ ڇڪو ۽ هڪ چوڪو هڻي 12 رنسن تي ڪيچ ٿيو. عباس آفريدي ۽ شاهين آفريدي اسڪور اڳتي وڌايو. شاهين آفريدي 6 بالن تي هڪ ڇڪي جي مدد سان 11 رنسون ٺاهي ايڊم ذمپا جي بال تي بولڊ ٿي. اڳئين بال تي زمپا نسيم شاهه کي زيرو تي بولڊ ڪيو. پاڪستان 7 اوورن ۾ 9 وڪيٽن جي نقصان تي 64 رنسون ٺاهي 29 رنسن تان ميچ هارائي. ان کان اڳ پاڪستان ۽ آسٽريليا وچ ۾ پهرين ٽي ٽوئنٽي ميچ اڄ برسبين ۾ کيڏي وئي، بارش سبب ميچ کي 7 اوورز تائين محدود ڪيو ويو. پاڪستان ٽاس کٽي بالنگ جو فيصلو ڪيو ۽ مقرر اوورن ۾ 4 وڪيٽن جي نقصان تي آسٽريليا 93 رنز ٺاهيون.آسٽريليا طرفان ون ڊائون تي بيٽنگ لاءِ آيل گلين ميڪسويل 19 بالن تي 43 رنسون ٺاهيون، سندس اننگز ۾ 5 چوڪا ۽ 3 ڇڪا شامل هئا. پاڪستان طرفان حارث رئوف ۽ نسيم شاهه هڪ هڪ جڏهن ته عباس آفريدي ٻن رانديگرن کي آئوٽ ڪيو. پاڪستان طرفان حسيب الله ۽ سلمان علي آغا آسٽريليا خلاف ٽي ٽوئنٽي ڊيبيو ڪيو. ٻئي طرف آسٽريليا جو ميچل اسٽارڪ، جوش هيزل ووڊ، مستقل ڪپتان مچل مارش ۽ اوپنر ٽريوس هيڊ نه پيا کيڏن ۽ سندن اڌ ٽيم نون رانديگرن تي مشتمل آهي. جي خدمتن کان سواءِ هوندو، جوش انگلز سيريز ۾ آسٽريليا جي قيادت ڪندا. وڪٽ ڪيپر بيٽسمين جوش انگلس ڪپتاني ڪري رهيو آهي.
