ڪراچي(ويب ڊيسڪ)پيرس اولمپڪس ۾ چين 18 گولڊ ميڊلز سان پهرين نمبر تي آهي، جڏهن ته آمريڪا 14 گولڊ ميڊلز سميت 63 تمغان سان ٻئي ۽ ميزبان ملڪ فرانس 12 گولڊ ميڊلن سان ٽئين نمبر تي آهي. پيرس اولمپڪس جي آفيشل ويب سائيٽ موجب اولمپڪس جي اٺين ڏينهن چين 40 تمغان سان سرفهرست آهي، جنهن ۾ 18 گولڊ، 13 سلور ۽ 9 برانز ميڊل شامل آهن. آمريڪا گذريل ٻن ڏينهن ۾ سٺي راند کيڏي ۽ 14 گولڊ ميڊلز ۽ 25 سلور ۽ 24 برونز ميڊلز سان ٻئي نمبر تي رهيو ۽ آمريڪا طرفان کٽيل تمغان جو ڪل تعداد 63 ٿي ويو. اولمپڪس جي نائين ڏينهن جي پڄاڻي تي، آمريڪا پنهنجي پوزيشن کي بهتر بڻائي ڇڏيو ۽ ميڊل ٽيل ۾ ٻيو نمبر حاصل ڪيو. فرانس 12 گولڊ، 14 سلور ۽ 16 برانز ميڊلز سان ٽئين نمبر تي آهي جڏهن ته آسٽريليا به هن وقت تائين 12 گولڊ ميڊل حاصل ڪيا آهن. چين هن وقت تائين ڊائيونگ ۽ شوٽنگ جي مقابلن ۾ چار چار گولڊ ميڊل کٽي چڪو آهي. ان کان علاوه، پاڙيسري هندستان تمغن جي ٽيبل تي 53 هين نمبر تي آهي ۽ هن وقت تائين ٽي برونز ميڊل کٽي چڪو آهي. منو ڀڪر، سربجوت سنگهه ۽ سومانيل ڪوسلي هندستان لاءِ برونز ميڊل کٽيا آهن. ٻئي طرف 25 سالن جي الجزائر جي باڪسر ايمان خلف، صنفي تڪرار جي مرڪزي ڪردار بڻيل آهي، هن الجزائر جي پهرين عورت ميڊلسٽ هجڻ جو اعزاز به حاصل ڪري ورتو آهي. هن 66 ڪلوگرام جي ڪيٽيگري ۾ هنگري جي اينالا هموري کي شڪست ڏئي برونز ميڊل حاصل ڪيو. ياد رهي ته پيرس اولمپڪس ۾ پاڪستان جي 7 مان 5 رانديگرن جو سفر ختم ٿي ويو آهي ۽ اولمپڪس ۾ پاڪستان جي واحد تمغي جي اميد جولين ٿرو ارشد نديم آهي. ياد رهي ته 1992ع کان وٺي پاڪستان اولمپڪس ۾ ڪو به ميڊل نه کٽيو آهي. گيمز جي سربراهي رٽائرڊ فوجين وٽ آهي جن کان ڪو پڇڻ وارو ناهي. فرانس م جاري اولمپڪس ۾ رانديگرن کان وڌيڪ آفيشل ويل آهن. رانا ثناءُ الله خاندان سميت ويل آهي جنهن جي سير سپاٽن جون ويڊيو به وائرل ٿيون آهن.
