اسلام آباد: (بيورو رپورٽ) عالمي مارڪيٽ ۾ ٻارڻ جي تيل جي قيمتن ۾ گهٽتائي کان پوءِ پاڪستان ۾ به 16 فيبروري کان پيٽروليم شين جي قيمتن ۾ لاٿ جو امڪان ظاهر ڪيو پيو وڃي.ذريعن موجب في ليٽر پيٽرول جي قيمت 2 روپيه 49 پئسا جڏهن ته ڊيزل جي قيمت ۾ 9 روپيه 11 پئسا گهٽتائي جي تجويز ڏني وئي آهي.انهي کان علاوه هڪ ليٽر گاسليٽ جي قيمت ۾ 3 روپيه 45 پئسا ۽ لائٽ ڊيزل جي قيمت ۾ 5 روپيه 60 پئسا گهٽ ڪرڻ جي تجويز ڏني وئي آهي. منظوري کان پوءِ ناڻي واري وزارت نئين قيمتن جو اعلان ڪندي.ٻئي طرف عالمي منڊي ۾ ٻارڻ جي تيل جي قيمتن ۾ 6 سيڪڙو گهٽتائي ٿي آهي، عالمي منڊي ۾ ٻارڻ جي تيل جون قيمتون 83.40 ڊالر کان گهٽ ٿي 78.35 ڊالر في بيرل ٿي ويون آهن.
