نوابشاهه (اي ڪي ڏاھري) اسسٽنٽ ڪمشنر نوابشاھه طارق علي سولنگي عوامي شڪايتن تي شھر جي مختلف پيٽرول پمپن تي اوچتو ڇاپا ھنيا جنھن دوران نوابشاهه پيٽرول پمپ تي تيل جو مقدار گھٽ ھئڻ تي ھڪ لک ڏنڊ لڳائيندي موقعي تي وصول ڪيو ان موقعي تي اسسٽنٽ ڪمشنر چيو ته هٿرادو پيٽرول توڙي ڊيزل جي ماپ ۾ کوٽ ڪندڙ پيٽرول پمپن خلاف ڪارروائيون جاري آھن. ھن وڌيڪ چيو ته عوام شڪايتون ڪري ٿو ته ڪجهه پئٽرول پمپن تي پئٽرول توڙي ڊيزل پوري مقدار ۾ نه پيو ڏنو وڃي اهڙي صورتحال ڪنهن به ريت برداشت نه ڪئي ويندي جڏهن ته دين اسلام به ماپ تور ۾ کوٽ ڪرڻ کان سختي سان منع ڪري ٿو ڇو ته هي هڪ وڏو سماجي ڏوهه ۽ عوام مٿان ظلم آهي انڪري پئٽرول پمپ مالڪن کي خبردار ڪريون ٿا ته هو ماپ ۾ کوٽ ڪرڻ بدران پوري مقدار ۾ تيل وڪرو ڪن.
