ملتان(ويب ڊيسڪ) پاڪستان سپر ليگ يعني پي ايس ايل جي 8 سيريز اڄ کان شروع ٿي رهي آهي. ملتان ۾ پهرين ميچ گذريل سال جي چيمپئن لاهور قلندرز ۽ 2021 جي فاتح ملتان سلطانز ۾ رات 8 وڳي کيڏي ويندي. هي ميچ شهيد پوليس اهلڪارن کي ڊيڊيڪيٽ ڪئي وئي آهي ۽ شهيد اهلڪارن جي 50 ٻارن کي خصوصي دعوت ڏني وئي آهي جيڪي عمران خان انڪلوئر ۾ ميچ ڏسندا. شاهين آفريدي جنهن کي اعزازي ڊي ايس پي جا رينڪ لڳايا ويا هئا تنهن هي ميچ پوليس جي شهيدن جي نالي ڪئي آهي. هو شهيد اهلڪارن جي ٻارن سان ملندو ۽ شهيدن لاءِ خاص دعا به ڪئي ويندي. پيايس ايل 8 سيريز جي فائنل ۾ ڪاميابي ماڻيندڙ ٽيم کي سپر نووا ٽرافي سان گڏ 12 ڪروڙ روپين جو روڪ انعام ملندو جڏهن ته رنر اپ کي 4 ڪروڙ 80 لک جو انعام ملندو.
