اسلام آباد (بيورو رپورٽ)پاڪستان تحريڪ انصاف 8 فيبروري 2025 تي ٿيندڙ عام چونڊن کي هڪ سال مڪمل ٿيڻ تي اڄ ڪارو ڏينهن ملهائي رهي آهي، جنهن تحت سڄي ملڪ ۾ احتجاجي مظاهرا ڪيا پيا وڃن.پنجاب ۾ قلم 144 لاڳو هجڻ باوجود، مختلف شهرن ۾ پي ٽي آءِ ڪارڪن احتجاج ڪري رهيا آهن، جڏهن ته پاڪستان تحريڪ انصاف صوابي ۾ به هڪ ريلي جو انعقاد ڪيو آهي.پوليس قلم 144 جي ڀڃڪڙي ڪرڻ تي ملتان مان پاڪستان تحريڪ انصاف جي اڳواڻ شاهه محمود قريشي، اڳوڻي اسيمبلي ميمبر زاهد بهار هاشمي ۽ دلير مهر جي ڌيءَ مهر بانو قريشي کي گرفتار ڪري ورتو.پوليس جو چوڻ آهي ته قلم 144 جي ڀڃڪڙي ڪرڻ تي ٽنهي پي ٽي آءِ اڳواڻن کي پل ڇٽه مان گرفتار ڪيو ويو، ان کان علاوه ريلي ڪڍڻ تي 10 کان وڌيڪ پي ٽي آءِ ڪارڪنن کي به گرفتار ڪيو ويو.آزاد ڪشمير جي گادي واري شهر مظفر آباد ۾ به پي ٽي آءِ جي ڪارڪنن آزادي چوڪ تي احتجاج ڪرڻ جي ڪوشش ڪئي، جنهن جي نتيجي ۾ ڪيترن ئي ڪارڪنن کي حراست ۾ ورتو ويو.آزاد ڪشمير جي قانون ساز اسيمبلي جي مخالف ڌر جي اڳواڻ ۽ پي ٽي آءِ جي اڳواڻ خواجه فاروق گرفتاري کان بچڻ لاءِ پوليس جي حراست مان فرار ٿي ويا.پوليس خواجه فاروق کي ڪار ۾ ويهارڻ بدران، کيس ايڪٽيوسٽ جي ڪار ۾ ويهاريو، پر ايڪٽيوسٽ ڊرائيور پوليس جي اندر وڃڻ کان اڳ ئي ڀڄي ويو. پوليس خواجه فاروق جي ڪار جي پٺيان پيادل ڊوڙندي رهي، بعد ۾ مظفر آباد جي اسسٽنٽ ڪمشنر چيو ته پوليس مخالف ڌر جي اڳواڻ خواجه فاروق کي گرفتار ڪري ورتو آهي، خواجه فاروق احمد کي گهر ۾ نظربند ڪيو ويو آهي ۽ احتجاج ڪندڙ پي ٽي آءِ جي 16 ڪارڪنن کي به گرفتار ڪيو ويو آهي.
