اسلام آباد (ويب ڊيسڪ) صدر آصف علي زرداري سان وزيراعظم شهباز شريف ايوان صدر ۾ ملاقات ڪئي، جنهن ۾ پي ٽي آءِ سان ڳالهين ۽ مدرسن بابت بل تي گفتگو ڪئي وئي.وزيراعظم شهباز شريف صدر آصف زرداري سان ملاقات لاءِ ايوان صدر پهتو، ان موقعي تي سينيٽ چيئرمين يوسف رضا گيلاني، مخدوم احمد محمود، نائب وزيرِاعظم اسحاق ڊار، گهرو وزير محسن نقوي، فيصل ڪريم ڪنڊي، راجا پرويز اشرف ۽ نويد قمر به موجود هئا. ٻنهي اڳواڻن جي ملاقات ۾ پي ٽي آءِ سان ڳالهين بابت گفتگو ڪئي وئي، جڏهن ته ملڪ جي مجموعي سياسي، معاشي ۽ سيڪيورٽي صورتحال تي به خيالن جي ڏي وٺ ڪئي وئي. ٻنهي اڳواڻن ملڪ جي ترقي لاءِ گڏجي اڳتي وڌڻ جو عزم ڪيو، قانوني معاملن ۾ سڀني سياسي اسٽيڪ هولڊرز سان مشاورت سان اڳتي وڌڻ جو فيصلو ڪيو ويو، صدر وزيراعظم کي ملڪي ترقي ۽ استحڪام لاءِ سهڪار جي خاطري ڪرائي.
