سيالڪوٽ (ويب ڊيسڪ) بچاءَ واري وزير خواجا آصف چيو آهي ته ملڪ ۾ عالمي ايونٽ ٿيڻ وارو آهي، 9 مئي ۽ 26 نومبر ٻيهر برپا ڪرڻ جي اجازت نه ڏينداسين.سيالڪوٽ ۾ پريس ڪانفرنس ڪندي خواجا آصف چيو ته پي ٽي آءِ ڏڦيڙ جي سياست ڪري رهي آهي، جڏهن ته پاڪستان جي عزت جو موقعو ايندو آهي ته ڏڦيڙي ٽولو آسمان مٿي تي کڻندو آهي.هن چيو ته اڄ پي ٽي آءِ جو جلسو آهي، صوابي ۾ سرڪاري مشينري ۽ وسيلن جو وڏي پيماني تي استعمال ڪيو پيو وڃي، سياسي روايتن موجب جلسا ڪيا وڃن ته ڪنهن کي اعتراض ناهي، پي ٽي آءِ جي اصل قيادت ان جماعت ۾ موجود مخصوص ٽولي جي سازشن جو شڪار ٿي مصلحت جو شڪار ٿي وئي آهي.سندس چوڻ هو ته پي ٽي آءِ وارن جو رويو پاڪستان جي مفادن لاءِ نقصانڪار ثابت ٿي رهيو آهي، چيمپيئنز ٽرافي ٿي رهي آهي ۽ هي احتجاج ڪري رهيا آهن، ٻيهر 9 مئي ۽ 26 نومبر برپا ڪرڻ جي اجازت نه ڏينداسين.
