ڪراچي (اسٽاف رپورٽر) پيپلز پارٽي سنڌ پاران 26 هين آئيني ترميم جي منظوريءَ جي خوشي ۽ حق ۾ 28 آڪٽوبر سومر ڏينهن سنڌ جي سڀني ڊويزنل هيڊڪوارٽرن ۾ ريليون ڪڍڻ جو اعلان ڪيو ويو آهي. اهڙو اعلان پيپلز پارٽي سنڌ جي صدر نثار احمد کهڙي جمعي ڏينهن پنهنجي جاري ڪيل پاليسي بيان ۾ ڪيو آهي. هن چيو آهي ته پيپلز پارٽيءَ جا اڳواڻ ۽ ڪارڪن 26 هين ترميم جي منظوريءَ جي حق ۽ خوشيءَ ۾ سومر ڏينهن سڄي سنڌ جي ڊويزنل هيڊڪوارٽرن ۾ ريليون ڪڍندا. ريليون ڪراچي، حيدرآباد، ميرپورخاص، شهيد بينظير آباد، سکر ۽ لاڙڪاڻي ۾ ڪڍيون وينديون. نثار کهڙو چيو ته پيپلز پارٽيءَ جون سڀئي ضلعي تنظيمون پنهنجي پنهنجي ڊويزنل هيڊڪوارٽرن ۾ نڪرندڙ ريلين ۾ ڀرپور شرڪت ڪن۔ هن چيو ته آئيني ترميم جي منظوري سڀني جمهوري قوتن ۽ جمهوريت جي فتح ۽ غيرجمهوري سوچ رکندڙن جي شڪست آهي. هن چيو ته آئيني ترميم جي منظوريءَ ۾ جمهوري ڪردار ادا ڪرڻ تي چيئرمين بلاول ڀٽو زرداري سڀني کان وڏو جمهوري ليڊر ثابت ٿي چڪو آهي ۽ هاڻي چيئرمين بلاول ڀٽو زرداري جي وزيراعظم بڻجڻ جو وقت ويجهو اچي چڪو آهي. هن چيو ته آئيني ترميم جي منظوريءَ سان پارليامينٽ وڌيڪ مضبوط ٿي آهي ۽ ججن جي مقرريءَ ۾ پارليامينٽ جي ڪردار سان جڊيشل ايڪٽوزم ۾ گهٽتائي ايندي. هن چيو ته آئيني بئنچ جي قائم ٿيڻ سان سپريم ڪورٽ تان ڪيسن جو دٻاءُ گهٽ ٿيندو ۽ صوبائي اسيمبليءَ جي قرارداد سان صوبي ۾ به آئيني بئنچ قائم ٿيندي جيڪا صوبي جا آئيني اشوز ٻڌي سگهندي. هن چيو ته ماضيءَ ۾ عدالت نظريه ضرورت کي جنم ڏنو ۽ مارشلا کي تحفظ به ان ئي عدليه ڏنو هيو ۽ هڪ طرف ملڪ کي آئين ڏيندڙ شهيد ڀٽو کي ڦاسي چاڙهيو ويو ته ٻئي طرف آئين ٽوڙيندڙ آمر جي مارشلائن کي تحفظ ڏئي آمر کي آئين ۾ ترميم جو به اختيار ڏنو ويو هيو ان لاءِ اسين چاهيون ٿا ته اختيارن جو توازن هجي ۽ جڊيشل ايڪٽوزم نه هجڻ گهرجي. نثار کهڙو چيو ته چيئرمين بلاول ڀٽو زرداريءَ آئيني ترميم جي منظوريءَ ۾ ڪردار ادا ڪري شهيد محترمه بينظير ڀٽو جي مشن ،ميثاقِ جمهوريت جي هڪ وڌيڪ نقطي تي عمل درآمد ڪرايو آهي ۽ هاڻي ٽرٿ اينڊ ريڪنسيليئشن ڪميشن جو به قيام عمل ۾ آڻڻ گهرجي. هن چيو ته ملڪ جمهوريت کان علاوه ٻئي ڪنهن نظام جو متحمل نه ٿو ٿي سگهي ان لاءِ سڀئي جمهوري قوتون جمهوريت جي تسلسل لاءِ متحد آهن. هن چيو ته هڪ غيرجمهوري سوچ رکڻ وارو ليڊر هاڻي جيل مان ٻاهر نڪرڻ لاءِ روئي رهيو آهي، اسين کيس مشورو ٿا ڏيون ته هو سازشن کان پري رهي ۽ جمهوري اپوزيشن جو ڪردار ادا ڪري.
امريڪي صدارتي اميدوارن جا هڪٻئي تي الزام
سنڌيار سکر 26 آڪٽوبر 2024ع
سنڌيار ڪراچي 26 آڪٽوبر 2024ع
قيدي وينز تي حملو ڪندڙ 4 جوابدارن سميت فرار ٿيل سڀ قيدي گرفتار
لڪي مروت ۾ خوارجن جو مسجد تي حملو،ڪيڊٽ شهيد
مينگل تي ايف آئي آر داخل ٿيڻ مذمت جوڳو عمل آهي: رباني
پ پ پاران آئيني ترميم جي منظوريءَ جي خوشي ۾ ريلين جو اعلان
ڊاڪٽر ڪنڀر قتل، انڪوائري ڪميٽي جا اهم انڪشاف
الوداعي ريفرنس، جسٽس عيسيٰ جي ڪم، ڪاوڙ ۽ شفقت تي ڀيٽا پيش
فائز عيسيٰ عدليا ۾ مداخلت روڪڻ بدران سهولتڪاري ڪئي، جسٽس منصور
27 هين آئيني ترميم نه اچي سگهندي، مزاحمت ڪبي: مولانا
اسرائيل مخالف احتجاج دوران چڪريون، 55 ڄڻا گرفتار
ڪي اليڪٽرڪ واهپيدارن لاءِ بجلي مهانگي
سياسي هلچل پوري ٿي، عوامي خدمت تي فوڪس ڪبو: ميمڻ
ايف سي چيڪ پوسٽ تي خارجين جو حملو، 10 اهلڪار شهيد
پنڊي ٽيسٽ، انگلش ٽيم ٻي اننگز ۾ ڏکيائين جو شڪار،3 آئوٽ
گڏاڻي ڪيس ۾ جاچ مڪمل نه ٿي، ڪيس رولڙي جو شڪار
سنڌڙي ويجهو پوليس ڇاپو هڻي شادي روڪرائي ڇڏي
دنيا جو پهريون پاسپورٽ فري انٽري وارو ايئرپورٽ فعال ٿي ويو
هاشم ٽي ڏينهن بيٺو رهيو، گهٽ سبب شهيد ٿيو،عرب ٽي وي