ڪراچي (اسٽاف رپورٽر)اينٽي نارڪوٽڪس فورس (اي اين ايف) اسلام آباد ايئرپورٽ تي ڪارروائي ڪندي فرانسيسي شهري جي قبضي مان اڍائي ڪلو گرام چرس هٿ ڪري ورتي.اي اين ايف اختيارين موجب جوابدار ڀارت کان وزٽ ويزا تي پاڪستان آيو هو ۽ مسقط ذريعي سريلنڪا وڃي رهيو هو.اختيارين جو چوڻ آهي ته اسلام آباد ايئرپورٽ تي سامان جي تلاشي دوران جوابدار جي بيگ مان 1 ڪلو 58 گرام چرس هٿ ڪئي وئي. جوابدار هي منشيات چاڪليٽ جي پيڪنگنگ ۾ لڪائي سمگل ڪري رهيو هو.اي اين ايف عملدارن جو چوڻ آهي ته جوابدار خلاف اينٽي نارڪوٽڪس ايڪٽ تحت ڪيس داخل ڪري جاچ شروع ڪئي وئي آهي.
