اسلام آباد (بيورو رپورٽ) توانائي واري وزير اويس لغاري چيو آهي ته چاهيون ٿا ته عوام سياري ۾ گيس جي جڳهه بجلي استعمال ڪري. پريس ڪانفرنس کي خطاب ڪندي توانائي واري وزير اويس لغاري چيو ته عوام سان ڪيل واعدا پورا ڪري رهيا آهيون، بجلي جون قيمتون گهٽ ڪرڻ جو سلسلو جاري آهي، وزيراعظم 26 روپيه في يونٽ بجلي گهٽ ڪرڻ جو اعلان ڪيو آهي. ڪوشش آهي ته هر سال 6 مهينن جي لاءِ اهڙو پيڪيج کڻي اچون.چيو ته ٽرانسميشن لائنز جو وقت تي مڪمل نه ٿيڻ مهانگي بجلي جو اهم سبب آهي. منصوبن ۾ دير اسان جو نظام برداشت نٿو ڪري سگهي. اين ٽي ڊي سي جي ڪري بجلي جي ورهاست جو نظام صحيح نه آهي. اين ٽي ڊي سي ماضي ۾ به بدانتظامي جو شڪار رهيو آهي.هن چيو ته ٽرانسميشن لائنز جو وقت تي مڪمل نه ٿيڻ مهانگي بجلي جو هڪ وڏو سبب آهي انهي جي مثال اها آهي ته بجلي جي پيدا ڪرڻ جي جن منصوبن کي 2018 ۾ ختم ٿيڻو هو اهي هاڻ 2026 ۾ ٿيندا. حڪومت اصلاحاتي ايجنڊا تي ڪم ڪري رهي آهي. اسان سڀني کان وڌيڪ ڪلين انرجي پيدا ڪندڙ ملڪن ۾ شامل آهيون.هن چيو ته اين ٽي ڊي سي ماضي ۾ بدانتظامي جو شڪار رهيو آهي انهي لاءِ هاڻ اين ٽي ڊي سي کي ختم ڪري ڪابينه جي اجازت کان سواءِ ورهاست واري نظام کي 3 ڪمپينز ۾ ورهايو ويندو.اويس لغاري چيو ته عام صارفين ۽ انڊسٽري کي 26 روپين تائين اضافي استعمال تي رليف ڏنو ويو آهي، جنهن جو مقصد اهوئي آهي ته عوام سياري ۾ مهانگي گيس استعمال ڪرڻ جي بجاءِ بجلي جي استعمال سان پنهنجون ضرورتون پوريون ڪري. بجلي جي قيمتن تي اهو رليف صنعتن ۽ عام شهرين جي لاءِ آهي.
