اسلام آباد)بيورو رپورٽ) آسٽريليا جي اڳوڻي ڪپتان رڪي پونٽنگ آسٽريليا ۽ ڀارت جي وچ ۾ آءِ سي سي چيمپئنز ٽرافي جي فائنل جي اڳڪٿي ڪئي آهي.رڪي پونٽنگ پڻ خبردار ڪيو آهي ته پاڪستاني ٽيم ٻنهي ٽيمن لاءِ هڪ چئلينج هوندي.رڪي پونٽنگ آءِ سي سي ريويو ۾ ڳالهائيندي چيو ته آسٽريليا ۽ هندستاني ٽيمن ۾ معياري رانديگر آهن، ۽ انهن ٽيمن جي تازي تاريخ ۽ آءِ سي سي ايونٽس ۾ انهن جي ڪارڪردگي سڀ ڪجهه واضح ڪري ٿي. هن چيو ته ڀارت ۽ آسٽريليا کي فائنلسٽ ٽيمن جي طور تي نظرانداز نه ٿو ڪري سگهجي.رڪي پونٽنگ چيو ته هڪ ٻي ٽيم جيڪا هن وقت سٺي ڪرڪيٽ کيڏي رهي آهي اها پاڪستان آهي، انهن جي ون ڊي ڪرڪيٽ ڪجهه وقت کان شاندار رهي آهي.هن چيو ته اسان ڄاڻون ٿا ته هڪ وڏي ٽورنامينٽ ۾ پاڪستان جي گهڻي اڳڪٿي نه ٿي ڪري سگهجي، پر اهو لڳي ٿو ته پاڪستان ڪجهه شين ۾ تمام گهڻو بهتري ڪئي آهي.
