ڪراچي(اسٽاف رپورٽر) سنڌ هيومن رائيٽس ڪميشن توهين رسالت جي الزام هيٺ ڊاڪٽر شاهنواز جي قتل جي رپورٽ حڪومت کي جمع ڪرائي ڇڏي.رپورٽ موجب ميرپورخاص ۽ عمرڪوٽ جي ايس ايس پيز ۽ ڊي آءِ جي به ڊاڪٽر جي گرفتاري کان انڪار ڪيو پر بعد ۾ ٽنهي آفيسرن اعتراف ڪيو ته جوابدار کي ڪراچي مان گرفتار ڪيو ويو آهي.رپورٽ موجب جاچ کانپوءِ ايف آءِ اي کان ٽيڪنيڪل مدد نه ورتي وئي، جڏهن ته 2 ڏينهن تائين مقتول جي پوسٽ مارٽم رپورٽ نه ڏني وئي ۽ ايم او موڪل تي هليو ويو.رپورٽ ۾ چيو ويو آهي ته ڊاڪٽر شاهنواز جي قتل جي ذميوارن جي نشاندهي لاءِ جي آءِ ٽي جوڙڻ جو مطالبو ڪيو ويو آهي.
