گهوٽڪي (ن س )ڊپٽي ڪمشنر گهوٽڪي جي هدايت تي ڊرگ انسپيڪٽر الطاف بوزدار ۽ ضلعي انتطاميه جي ٽيم جا ميرپور ماٿيلو جي مختلف ميڊيڪل اسٽورن تي ڇاپا، مدي خارج دوائون هٿ اچڻ تي 2 ميڊيڪل اسٽورن مٿان 30 هزار روپيا ڏنڊ لاڳو ڪيو ويو. خبر موجب ڊپٽي ڪمشنر گهوٽڪي ڊاڪٽر سيد محمد علي جي هدايتن تي ڊرگ انسپيڪٽر الطاف بوزدار ۽ ضلعي انتظاميه جي ٽيم جي ممتاز ميراڻي ۽ سهيل ملهڻ ميرپور ماٿيلو شهر جي مختلف ميڊيڪل اسٽورن تي ڇاپا هڻي مدي خارج دوائون هٿ اچڻ تي شو ميڊيڪل اسٽور مٿان 25 هزار جڏهن ته شري رام ميڊيڪل اسٽور مٿان 5 هزار ڏنڊ مڙهيو ويو. ان موقعي تي مختلف ميڊيڪل اسٽورن تان دوائن جا نمونا پڻ ورتا ويا جيڪي جاچ لاءِ ليبارٽري اماڻيا ويندا
