باڊھ (رپورٽ محمد قاسم ٻگهيو) قومي ڪرڪيٽر لاڙڪاڻي واسي قومي ڪرڪيٽر شاهنواز ڏاهاڻي جي مان ۾ افطاري پارٽي ڏني وئي۔ مرزا ڪالو دعا زمزم فارم هائوس تي سماجي اڳواڻ طارق علي شاهاڻي، ذوالفقار علي شاهاڻي آصف شاهاڻي، خليل شاهاڻي ۽ اختر شاهاڻي سندس مان ۾ افطار جو اهتمام ڪيو. جنهن ۾ علائقي جي سياسي سماجي شخصيتن شرڪت ڪئي۔ان موقعي سماجي اڳواڻ طارق علي شاهاڻي ميڊيا سان ڳالهيندي چيو ته ڏاهاڻي اسانجي علائقي جو سڄي دنيا ۾ نالو روشن ڪيو آهي ۽ هو سنڌ جو مان آهي. ان موقعي تي سنڌي اجرڪ جو تحفو پڻ کيس ڏنو ويو ۽ سندس مٿان گلن جي ورکا ڪئي وئي۔ شاهنواز ڏاهاڻي چيو ته دوستن جي پيار ۽ سندن مهمان نوازي منهنجو من موهي ڇڏيو آھي. هن وڌيڪ چيو ته مونکي ننڍپڻ کان ئي ڪرڪيٽ جو شوق هيو ۽ والدين جي دعا سان ان منزل تي پهتو آھيان. هن ميڊيا جا ٿورا مڃندي چيو ته ميڊيا مونکي سٺي موٽ ڏني جنهن منهنجي شھرت ۽ مقبوليت ۾ اضافوڪيو. هن چيو ته سنڌ جي نوجوانن کي کپي ته اجايو وقت نه وڃائن پڙھائي تي وڌيڪ توجه ڏين پنهنجو ۽ ايندڙ نسل کي بچائڻ لاء سخت محنت ڪن ته جئين معاشري ۾ وڏو مقام حاصل ڪن.
