ڪابل( ڊيسڪ رپورٽ) افغانستان جي گادي واري شهر ڪابل ۾ صدر اشرف غني جي ويجهي ساٿي ۽ نائب صدر جي اميدوار امرالله صالح جي آفيس تي ٿيل حملي ۾ فوت ٿيلن جو انگ 20 ٿي ويو، جڏهن ته 50 ٻيا زخمي آهن. آچر تي دير سان ٿيل حملو ايترو ته خوفناڪ هو جوخود ڪش ڪار چماڪي جو آواز ڪابل جي پري پري وارن علائقن م به ٻڌو ويو. خود ڪش ڪار حملي بعد هٿيار بندن فائرنگ شروع ڪئي، سيڪورٽي فورسز جي جوابي فائرنگ ۾ ڪيترائي حملي آور به مارجي ويا هئا. پاڪستان جي پرڏيهي کاتي جي ترجمان ڊاڪٽر فيصل حملي جي مذمت ڪندي چيو ته هو افغانستان ۾ جمهوري عمل جا حامي آهن. امرالله صالح افغانستان انٽيلي جنس جو سابق سربراهه آهي ۽ گرين ٽرينڊ پارٽي جو اڳوان آهي. سندس پارٽي هيڊ ڪوارٽر تي حملي جو نشانو هو پاڻ هو، جنهن کي گهرو وزارت جي ترجمان نصرت رحيمي موجب محفوظ جاءِ تي پهچايو ويو آهي. حملي جي ذميواري اڃا ڪنهن ڌر قبول ناهي ڪئي پر علائقي م طالبان ۽ داعش ٻئي سرگرم آهن.
