ڪراچي (ويب ڊيسڪ)سڀاڻي شروع ٿيندڙ آسٽريليا خلاف ٻي ٽيسٽ لاءِ قومي ٽيم ۾ ٻن تبديلين جو امڪان آهي. ذريعن جو چوڻ آهي ته قومي ٽيم ۾ نسيم شاهه جي جاءِ تي حسن علي ۽ افتخار احمد جي جاءِ تي فهيم اشرف کي موقعو ڏنو وڃي. حسن علي ۽ فهيم اشرف زخمي ٿيڻ سبب پنڊي ٽيسٽ کيڏي نه سگهيا هئا. ذريعن موجب آل رائونڊر فهيم اشرف اڄ ٽيم سان گڏ پريڪٽس به ڪئي آهي. جڏهن ته ٻه ڏينهن اڳ فهيم اشرف جي ڪورونا ٽيسٽ پازيٽو اچڻ جون خبرون آيون هيون، جنهن کانپوءِ چيو ويو هو ته فهيم اشرف جي آسٽريليا خلاف ٻي ٽيسٽ ۾ شرڪت به شڪي ٿي وئي آهي. ياد رهي ته ٻنهي ٽيمن وچ ۾ راولپنڊي ۾ کيڏيل پهرين ٽيسٽ ڊرا ٿي وئي هئي.
