ڪراچي (اسٽاف رپورٽر)ڪراچي ۾ اسٽريٽ ڪرائم جي وڌندڙ واقعن تي ايندڙ 15 ڏينهن تائين شهر ۾ اسٽريٽ ڪرمنلز خلاف سخت آپريشن جو فيصلو ڪيو ويو آهي، وڏي وزير سيد مراد علي شاهه جي صدارت هيٺ اجلاس ٿيو، جنهن ۾ چيف سيڪريٽري سهيل راجپوت، آءِ جي. اجلاس ۾ ڊي جي رينجرز سنڌ ۽ ٻين ادارن جي آفيسرن شرڪت ڪئي، اجلاس ۾ اسٽريٽ ڪرمنلز خلاف ايندڙ 15 ڏينهن تائين سخت آپريشن ڪرڻ جو فيصلو ڪيو ويو، جڏهن ته وڏي وزير قانون لاڳو ڪندڙ ادارن کي هدايت ڪئي ته هو انٽيليجنس بيسڊ آپريشن تيز ڪن.مراد علي. سيد مراد علي شاهه چيو ته دهشتگرد تنظيمون ملڪ ۾ امن امان کي ٻيهر خراب ڪرڻ چاهين ٿيون، اسان پنهنجي ملڪ، صوبي ۽ شهرن ۾ ٻيهر دهشتگردن کي جنم ڏيڻ نه ڏينداسين، سمورن انٽيليجنس ادارن کي روزاني جي بنياد تي هڪٻئي سان رابطي ۾ رهڻ گهرجي، پوليس ۽ رينجرز، اسٽريٽ ڪرائم خلاف سخت ڪارروائي ڪئي وڃي، وڏي وزير ڊي جي رينجرز کي هدايت ڪئي ته شهر جي داخلي ۽ خارجي رستن تي گشت ۽ نگراني کي وڌايو وڃي، مراد علي شاهه چيو ته پوليس ۽ رينجرز کي اهم هنڌن تي مقرر ڪيو ويو آهي، جتي ڏوهارين جو انگ وڌيڪ آهي.
