رياض (ويب ڊيسڪ)پرتگال جي اسٽار فٽبالر ڪرسٽيانو رونالڊو چيو آهي ته سعودي پرو ليگ دنيا جي 5 وڏين ليگز ۾ شامل ٿي سگهي ٿي جيڪڏهن ان ۾ وڌيڪ مشهور رانديگر آيا.پرڏيهي ميڊيا موجب هڪ انٽرويو دوران ڪرسٽيانو رونالڊو چيو ته جيڪڏهن وڏا نالي وارا، مشهور، نوجوان ۽ پراڻا رانديگر اچن ته اها سٺي ڳالهه هوندي ڇو ته ان سان ليگ ۾ بهتري ايندي.ڪرسٽيانو رونالڊو چيو ته سعودي پرو ليگ تمام سٺي آهي ۽ ان ۾ بهتري جي گنجائش آهي، ان ۾ سٺيون ٽيمون ۽ تمام سٺا مقامي فٽبالر آهن. ”مان هتي خوش آهيان، مان هتي پنهنجي راند جاري رکڻ چاهيان ٿو ۽ مان هتي کيڏندس،“ اسٽار فٽبالر چيو ته کين انفراسٽرڪچر بهتر ڪرڻ جي ضرورت آهي ۽ ريفريز کي به ڪجهه تيز ڪرڻ جي ضرورت آهي.پرڏيهي ميڊيا موجب ليونل ميسي سميت ڪيترائي مشهور رانديگر پنهنجي ڪيريئر جي خاتمي کان ڪجهه دير اڳ يا پوءِ سعودي ليگ ۾ شامل ٿي سگهن ٿا.پرڏيهي ميڊيا موجب ڊسمبر ۾ شامل ٿيڻ کانپوءِ ڪرسٽيانو رونالڊو پنهنجو پهريون سيزن النصر سان مڪمل ڪري ورتو آهي ۽ سندس ٽيم سعودي پرو ليگ ۾ ٻئي نمبر تي آهي.
