دبئي (ويب ڊيسڪ ) انٽرنيشنل ڪرڪيٽ ڪائونسل اولمپڪس ۾ ڪرڪيٽ کي شامل ڪرڻ لاءِ ڪوششون تيز ڪري ڇڏيون. آءِ سي سي موجب اولمپڪس ۾ ڪرڪيٽ کي شامل ڪري آءِ او سي ڀارتي مارڪيٽ مان وڏو ڪمائي سگهي ٿو. ان حوالي سان آءِ سي سي جي راءِ آهي ته آءِ او سي ميڊيا جي حقن جي مد ۾ ڀارت کان 130 کان 260 ملين ڊالر ڪمائي سگهي ٿي. پيرس 2024 اولمپڪس لاءِ IOC جي هندستاني مارڪيٽ لاءِ ميڊيا جا حق $31 ملين آءِ سي سي چيئرمين گريگ بارڪلي چيو آهي ته سڄي دنيا ۾ ڪرڪيٽ جا 1 ارب کان وڌيڪ مداح آهن، 90 سيڪڙو مداح چاهين ٿا ته ڪرڪيٽ کي اولمپڪس ۾ شامل ڪيو وڃي. لاس اينجلس جي اڳوڻي ميئر ۽ ڀارت ۾ آمريڪي سفير ايريڪ گارسٽي ڪرڪيٽ کي اولمپڪس ۾ شامل ڪرڻ جي خواهش جو اظهار ڪيو آهي. آمريڪي سفير ايريڪ گارسٽي چيو آهي ته آمريڪا ڪرڪيٽ کي اولمپڪس ۾ شامل ڪرڻ جو خواهشمند آهي. پرڏيهي ميڊيا موجب آءِ سي سي ڪرڪيٽ کي اولمپڪس ۾ شامل ڪرڻ لاءِ جي جي شاهه جي سربراهي ۾ ڪميٽي ٺاهي ڇڏي آهي. آءِ سي سي سفارش ڪري ٿي ته اولمپڪس ۾ 6.6 مردن ۽ 6 عورتن جون ڪرڪيٽ ٽيمون ٽي 20 فارميٽ ۾ کيڏن. رپورٽن مطابق ڪرڪيٽ کي شامل ڪرڻ جو حتمي فيصلو آڪٽوبر ۾ ممبئي ۾ ٿيندڙ آءِ او سي جي اجلاس ۾ ڪيو ويندو.
