منور برھماڻي
سنڌي جي پاڻي تي ڌاڙو ڪانئين ڳالھ ناھي ۔ مگر ڪجھ شيون سواليا نشان بڻيل آھن ۔ سنڌ جي حقن وسيلن تي وفاق ھميشه ڪابض ٿيڻ جي ڪوشش ڪئي آھي۔ دنيا ۾ سڀ کان وڌيڪ زرعائت پيدا ڪندڙ ، سنڌ وفاق ۾ ويٺل،پنجاب سرمائيدار جي اک ۾ ھري ٿي ، ھر نئين ڊنگ ۽ پلانگ سان ان تي ڪابض ٿيڻ جي ڪوشش ڪئي ٿي وڃي ، ڪڏھن ٿل ڪينال ته ڪڏھن ڪالاباغ جي نالي سان سنڌو تي ڌاڙو ھڻي سنڌ کي مٽائڻ جي ناڪام ڪوشش ڪئي وئي ، جنھن پري پلانگ جو مقابلو ڪري سنڌ جي حلالي پٽن انھن جي منھن تي دانگي ملي رڌ ڪري ڇڏيو ، مگر پوءِ به انھن کي آرام نه آيو ۽ نئون سنڌو تي ڪارو نانگ ويھارڻ جي ڪوشش ڇھ ڪينال جي نالي سان ويھارڻ جي ارادي سان منظري عام تي لٿا آھن ، ھاڻ سوال اھو ٿو پيدا ٿئي ، پنجاب ۾ پاڻي آھي ڪون ، 91 واري مھادي مطابق اڄ تائين سنڌ کي حصي جو پورو پاڻي ناھي مليو ، سنڌ جي پڇڙي ٺٺو بدين ھر سال سڪھڙي جي ور چڙھي وڃن ٿا ، اوھان نون ڪينالن کي ڪئين پيا جنم ڏيو ، ھي منصوبو ڪالاباغ ۽ ٿل ڪينال کان به وڌيڪ خطرناڪ آھن ، ان جي ايوريج لاءِ پاڻي ڪٿا آڻيندو ، پھرين اوھان سنڌ جي پاڻي تي ڪابض آھيو ، ڪنھن کي بي وقوف پيا ڪيو ۽ اوھان کي ڪنھن حص ڏنو آھي ، ھڪ زمين کي بنجر ڪري ٻئي آباد ڪيو ، اھو به ڪنھنجي حقن تي ڌاڙو ھڻي، وري وڏو الميو اھو ته سنڌي صدر ايوان صدر ۾ ويھي پاڻي جو صودو ٿو ڪري ، خاموشي سان اقتدار جي لالچ ۾ صحيح ڪئي وڃي ٿي ، ٻئي ڏينھن تي ڪراچي ۾ دامن جھٽڪي چئو ٿا پاڻي جو ڍڪ به کڻڻ نه ڏينداسين ، ڪنھن کي پيا سورمو پارايو ، عوام سڳوري ايتري به الحلوق مخلوق ناھي ، سڀ سمجھون ٿا ، اوھان کي سنڌ نه ڪرسي پياري آھي ، ھاڻ ضرورت ان ڳالھ جي آھي ته انھي ڪاري نانگ ڪينالن جو مٿو ڪچلڻ لاءِ ضروري آھي ته پوري سنڌي قوم کي متحد ٿيڻو پوندو ، الڳ ديڳڙين جي رڌ پچا سان ڪجھ ڪون ٿيندو ، اھي سڀ انھي جدوجھدن لاءِ جس لھن ۽ ھن مھل تائين ڪيل جدوجھد ساراھ جوڳي آھي ، جيڪي به پارٽيون ، سماجي ادارا ، مختلف اتحاد پنھنجي حال آھر سنڌو جي بقا جي جنگ وڙھن پيا ، انھي لاءِ انھن کي سرخ سلام ، مگر شاھ صاحب جي سٽن جيان ۔
” روزا نمازون پڻ چنڱو ڪم ۔
مگر اھو ڪو ٻيو ڪم ۔
جنھن سان پسين پرين کي “
سو اسان کي ڪجھ ٻيو ڪرڻو پوندو ، 8 ڊسمبر تي ايس ٽي پي ڪراچي ۾ سنڌو جي جنگ وڙھندي ، 22 تاريخ سکر ۾ عوامي تحريڪ ميدان ۾ لھندي ، جي ڊي اي جي مختلف شھرن ۾ للڪار جاري آھي ، قومي عوامي تحريڪ ، اياز لطيف پليجو سنڌ ، پاڪستان ۽ ٻاھرين ملڪن ۾ سنڌو جي دشمنن جي منھن تان رھڙي نقاب لاھي پيو ، اھو سڀ ڪنھن سراھ کان گھٽ ناھي ، مگر ھن وقت ضرورت آھي ، رسول بخش پليجو صاحب واري جدوجھد جي ، جنھن ڪالاباغ ڊيم ، ٿل ڪينال خلاف جنگ جو دنگل وڄايو ، ھڪ سئو ويھ صفحن تي پاڻي جو ڪيس رکي ، سڄي سنڌ جي عوام ، سڀني پارٽين کي گڏ کڻي ، ڪنڌ ڪوٽ کان ڪراچي تائين ٻه ٻه مھينن لانگ مارچون ڪري ، سنڌ جي راڄڌاني شھر ڪراچي ۾ لکين ماڻھون گڏ ڪري وفاق جون وايون بتال ڪري ڇڏيون ، موجوده وقت ۾ ان جدوجھد ۽ پلانگ جي سخت ضرورت آھي ، رسول بخش پليجو تڏھن سڀ اختلاف ٿڏي سڀني کي ھڪ صف ۾ کڻي آيو ، جنھن جا ڪمال ڪامياب نتيجا پوري سنڌ جي سامھون آھن ، موجوده وقت ۾ به پليجو ميدان ۾ آھي ، دعوت پيو ڏئي ، سڀني قوم پرستن ، اتحادن ۽ سوشلزم کي ته اجو ته قومي مفاد لاءِ ٽڪي جا مفادن کي ٿڪ ھڻي ۔ ٿڏي اڇلائي سنڌ امڙ خاطر گڏجون ، سو ھاڻ ضرورت به ان ڳالھ جي آھي پاڻ ھڪ نعري ھيٺ گڏجون ۔ ڪينال سموران نامنظور ۔
سنڌو تي ڌاڙو نامظور ۔
”سنڌ اسان جي جنڌ “
جي سري ھيٺ گڏجڻ جي ضرورت آھي ۔ سڀئي قوم پرست تنظيمو ۔ قومي عوامي تحريڪ سميت جي ڊي اي جي يارنھن اتحادي تنظيمن سان گڏ جي عوامي تحريڪ ، ايس ٽي پي ، عوامي پورھيت تحريڪ ، عوامي جمھوري پارٽي کي گڏيل جدوجھد جو حصو ٿيڻ کپي ، سنڌو خاطر ، سنڌ خاطر ، انا جو ڪجھ وقت جنازو پڙھي اڳتي وڌجي ، اسان سامراجي قوتن ۽ ٻاھرين لوڌ سان تڏھن وڙھي سڳھون ٿا ، جڏھن اسان ھڪ صف ۾ بھنداسين ، اجتمائي فائدي لاءِ ڌرتي جي بقا لاءِ ، ٽولن ۾ رھي ڌرتي جو دفع منھنجي خيال ۾ ويلٽيليٽر تي پيل مريض لاءِ علاج بجائي دعا برابر آھي ، مگر موجوده حالتو دعا سان گڏ علاج جون تلبگار آھن ، ۽ اھو تڏھن ٿيندو جڏھن اسان متحد ٿينداسين ، سنڌو مان ڪينال سنڌ جي ريڙھن جي ھڏي ڀڃڻ مثل آھي ، جڏھن ريڙھ جي ھڏي ڀڄي پئي انسان زندھ ھوندي به مئل ھوندو آھي ، انھي ڪري سنڌ جي سچن سپاھين ، قومي ليڊرن کي متحد ٿي گڏيل طور سڄي سنڌ ۾ 3 ڏينھن سڀني شھرن ڳوٺن واھڻ وستين ۾ احتجاج ڪري سنڌي قوم کي بيدار ڪرڻ کان پوءِ ڪنڌ ڪوٽ کان ڪراچي نه بلڪي ، ڪراچي کان ڪشمور ، سنڌ پنجاب باڊر تائين لانگ مارچ ڪري ڌرڻو ھڻڻ جو اعلان ڪرڻ کپي ۽ اھو ڌرڻو تيس تائين جاري رھي ، جيس تائين فيصلو واپس نه ورتو وڃي ، سنڌ جي سڀني پارٽين جو ھڪ گڏيل احتجاج ھجي ، ڪنھن به جھنڊي اتحاد يا پارٽي نالي جو فرق جو وھم باقي نه ھجي ، وقتي طور مذبوط جدوجھد جي تڪازه اھا آھي ته اسان سنڌو جي وارثي لاءِ انا جي وقتي خودڪشي ڪري اڳتي وڌو ، تڏھن ئي اسان پنھنجا حق وٺي سڳھون ٿا ، پنھنجا وسيلا ۽ درياھ بچائي سڳھون ٿا ، تاريخ گواھ آھي ، جڏھن جڏھن به سنڌ تي ڏکيو وقت آيو آھي ، اھو عربن ، ارغونن ، ترخونن يا انگريزن جو دور ھجي سنڌ جي ارڏي پٽن ھميشه ميدان ملھيو آھي ، ھوشو ھيمون ڪالاڻي ، انگريزن کي للڪاري نعرو ڏنو ،
” مرسون مرسون سنڌ نه ڏيسون “
راجا ڏاھر ، دودو سومرو ، روپلو ڪولھي جا زندھ مثال اسان جي سامھون آھن ،
” اٽل ارادا، اڏول ڇاتيون، رڪي نه ڄاڻون، جهڪي نه ڄاڻون،
رڪاوٽن جي اياز هوندي، وڌي سگهون ٿا هٽي نه ڄاڻون “
شيخ اياز جون اھي سٽون گواھي رھيو آھن ته ، سنڌ ڌرتي جي جوڌن جوانن ، پوڙھن ، ٻارن ۽ سنڌياڻين پاڻ ملھايو آھيو ، ھي وقت به اھا تڪاذا ڪري پيو ، اچو ته متحد ٿي ھڪ ئي صف جا راھي ٿيون ، ڌرياھ بچايون سنڌ جو آجپو ۽ سنڌ جو اوچو ڳاٽ جھڪڻ نه ڏيون ، ڇو ته ڪينال اڏڻ سنڌ سڪائڻ جي سازش آھي ، سنڌ جي زرعائت سان گڏ ، پيڻ جو پاڻي به نه ملندو ۽ پوءِ ائين نه ٿئي ۔
” اللُّه ائين م ھوم ۔
ته ڪتابن ۾ پڙھجي ۔
ھئي سنڌ ۽ سنڌ وارن جي ٻولي “
