ڪراچي(اسٽاف رپورٽر) سنڌ حڪومت جي ترجمان سعديه جاويد هڪ بيان ۾ چيو ته پيپلز پارٽي جو سنڌ ۾ 6 ڪينال منصوبي خلاف احتجاج عوام جي آواز آهي.سنڌ حڪومت جي ترجمان ۽ پاڪستان پيپلز پارٽي جي اڳواڻ سعديه جاويد چيو آهي ته پيپلز پارٽي هميشه سنڌ جي پاڻي جي مسئلي تي جدوجهد ڪندي رهي آهي.هن چيو آهي ته بي بي شهيد جي اڳواڻي ۾ ڪالاباغ ڊيم خلاف جنگ اڳ به وڙهي وئي هئي.سعديه جاويد اهو به چيو ته اڄ به اسان بلاول ڀٽو زرداري سان گڏ 6 ڪينال منصوبي خلاف جدوجهد ڪري رهيا آهيون.
