راولپنڊي: (ويب ڊيسڪ) ڪي پي ڪي جي وڏي وزير علي امين گنڊاپور کي پاڪستان تحريڪ انصاف جي باني چيئرمين عمران خان سان ملاقات جي اجازت نه ملي، جڏهن ته جيل اختيارين طرفان ملاقات جي اجازت نه ملڻ تي علي امين گنڊاپور اڊيالا جيل مان واپس روانو ٿي ويو.ڪي پي ڪي جو وڏو وزير اعلي امين گنڊاپور اڳوڻي وزيراعظم عمران خان سان ملاقات جي لاءِ پنهنجي پروٽوڪول سان گڏ اڊيالا جيل پهتو پر انهي کي عمران خان سان ملاقات جي اجازت نه ملي سگهي. علي امين گنڊاپور کي اڊياله جيل ٻاهران روڪيو ويو پر هو گيٽ نمبر 5 ٻاهران پروٽوڪول سان گڏ موجود رهيو.ڪي پي ڪي جي وڏي وزير کي اڊياله جيل ۾ داخل ٿيڻ جي اجازت نه ملي سگهي، جڏهن ته قافلي جي اڊيالا جيل گيٽ نمبر 5 جي ٻاهر پهچڻ تي روڊ جو هڪ طرف ٽريفڪ جي لاءِ معطل رهيو. جنهن سبب جيل عملي علي امين کي آگاهه ڪيو ته هن وقت ملاقات بابت ڪابه اطلاع نه آهي جنهن کان پوءِ ڪي پي ڪي جو وڏو وزير پروٽوڪول سان گڏ اڊيالا جيل کان گهر طرف روانو ٿي ويو.
