رياض: (ويب ڊيسڪ) وفاقي گهرو وزير محسن نقوي رياض پهچي ويو جتي انهي جي سعودي هم منصب سان ملاقات ٿي آهي جنهن ۾ گڏيل دلچسپي جي معاملن ۽ پاڪ سعودي لاڳاپن تي ڳالهيون ڪيون ويون.سعودي گهرو وزير ڊاڪٽر محمد عبدالله البنال ۽ سعودي ۾ پاڪستاني سفير احمد فاروق گهرو وزير محسن نقوي جو رياض پهچڻ تي پرجوش استقبال ڪيو.وفاقي گهرو وزير محسن نقوي 2034 جي فيفا جي ميزباني سعودي عرب کي ملڻ تي سعودي قيادت ۽ عوام کي مبارڪباد ڏني هن فٽبال ورلڊ ڪپ 2034 جي حوالي سان سعودي عرب جي لاءِ نيڪ خواهشن جو اظهار ڪيو.انهي موقعي تي وفاقي گهرو وزير محسن نقوي چيو ته سعودي عرب جي ولي عهد محمد بن سلمان جي وزن 2030 ترقي ۽ خوشحالي جي تاريخ لکي آهي.محسن نقوي چيو ته سعودي عرب اسان جو سڀني کان وڌيڪ ڀروسي جوڳو اسلامي دوست ملڪ آهي ۽ هر پاڪستاني کي انهي دوستي فخر آهي. سعودي عرب مان هميشه تمام گهڻو پيار ۽ خلوص ملندو آهي.انهي موقعي تي سعودي گهرو وزير چيو ته پاڪستان سان انتهائي ويجها لاڳاپا آهن. سعودي عرب جي دوري دوران اوهان جي اهم ملاقاتن جي حوالي سان گڏيل لاڳاپن کي وڌيڪ اهميت جي نگاهه سان ڏسي رهيا آهيون.
