گهوٽڪي(ن س)گهوٽڪي پوليس جي گڊو انٽر چئينج تي ڪاروائي ڪري وڏي تعداد ۾ هٿيار هٿ ڪري ورتا.هٿيار هٿ ڪرڻ بعد ڊي آءِ جي سکر ۽ ايس ايس پي گهوٽڪي جي پريس ڪانفرس.خبرموجب ڊي آئي جي سکر فيصل عبدالله چاچڙ ۽ ايس ايس پي گهوٽڪي ڊاڪٽر سميع الله سومرو پاران ميرپورماٿيلو ۾ گڏيل پريس ڪانفرنس ڪندي چيو ته گهوٽڪي پوليس ڪچي طرف وين ذريعي ويندڙ جديد هٿيار راڪيٽ لانچر, مارٽر گولا, اينٽي ايئر ڪرافٽ گنون, آر 75 گن, هينڊ گرنيڊ هزارين گوليون هٿ ڪري جوابدار زال ۽ مڙس کي گرفتار ڪري ورتو آهي.هنن چيو ته جوابدار ڏاج جي سامان سان گڏ پيٽين ۾ هٿيار کڻي گهوٽڪي جي ڪچي طرف جوابدار وڃي رهيا هئا.ته کين گرفتار ڪيو ويو آهي.۽ پڪڙيل هٿيارن ۾ راڪيٽ لانچر, مارٽر گولا, اينٽي ايئر ڪرافٽ گنون, آر 75 گن, هينڊ گرنيڊ ۽ هزارين گوليون هٿ شامل آهن.ڊي آءِ جي سکر ۽ ايس ايس پي گهوٽڪي جو چوڻ هو ته ڪاروائي دوران جوابدار سهيل احمد پٽ ممتاز علي ۽ سندس گهرواري کي گرفتار ڪيو ويو آهي جن جو تعلق پنجاب سان آهي.هنن چيو ته پڪڙيل هٿيار افغانستان کان خريد ڪري خيبرپختونخواه پهتا جتان پنجاب ۽ بعد ۾ سنڌ صوبي ۾ پهچڻ بعد ڪچي طرف کڻي وڃي رهيا هئا ته ڳجھي اطلاع تي ڪاروائي ڪئي وئي جنهن دوران هٿيارن جي کيپ پڪڙي ورتي آهي.۽ گرفتار جوابدارن کان جاچ وارو سلسلو جاري آهي.
