ڪراچي (ويب ڊيسڪ) دنيا جي وڏي ۾ وڏي سرچ انجن گوگل مشهور بالي ووڊ اداڪار انوشڪا شرما کي افغانستان جي ڪرڪٽر راشد خان جي زال قرار ڏئي ڇڏيو. ڀارتي ڪپتان ويرات ڪوهلي جي وني کي افغاني جي زال قرار ڏيڻ تي هن وقت تائين ڌرين جو ڪو رد عمل سامهون ناهي آيو. ڀارتي اخبار انڊيا ٽوڊي موجب گوگل جي الگورٿم سيسٽم ۾ غلطي سبب ايئن ٿيو آهي. گوگل تي راشد خان جي زال جا لفظ سرچ ڪندا ته گوگل جي نتيجي ۾ بالي ووڊ اسٽار انوشڪا راشد خان جي زال طور نتيجو ايندو.
