لاهور (ويب ڊيسڪ)پاڪستان ڪرڪيٽ ٽيم جي اڳوڻي ڪپتان شاهد آفريدي پنهنجي ناٺي شاهين شاهه آفريدي کي ٽيسٽ ڪرڪيٽ ۾ 100 وڪيٽون مڪمل ڪرڻ تي مبارڪباد ڏني آهي.ٽوئيٽر تي شاهد آفريدي شاهين شاهه آفريدي جي تصوير شيئر ڪندي لکيو ته 100 وڪيٽون پوريون ٿي چڪيون آهن پر اڃا وڌيڪ وڪيٽون وٺڻيون آهن.شاهد آفريدي شاهين کي محنت جاري رکڻ جي حوصلا افزائي ڪئي.پنهنجي پوسٽ ۾ شاهد آفريدي پنهنجي پٽ شاهين شاهه آفريدي کي وڌيڪ رڪارڊ ٺاهڻ جي دعا ڪئي.واضح رهي ته شاهين شاهه آفريدي گذريل ڏينهن سريلنڪا خلاف کيڏيل گال ٽيسٽ ميچ جي پهرين سيشن ۾ وڪيٽ حاصل ڪري ٽيسٽ ڪرڪيٽ ۾ پنهنجون 100 وڪيٽون مڪمل ڪيون هيون.
