لکنئو (ويب ڊيسڪ)ڀارتي آل رائونڊر هاردڪ پانڊيا انڊين پريميئر ليگ (آءِ پي ايل) ۾ نئين تاريخ رقم ڪئي. ممبئي انڊينز جي ڪپتان هاردڪ پانڊيا آئي پي ايل ۾ لکنئو سپر جائنٽس خلاف هڪ اهڙو ڪارنامو انجام ڏنو جيڪو ڪو به ڪپتان آئي پي ايل جي 17 سالن جي تاريخ ۾ حاصل نه ڪري سگهيو آهي،ممبئي انڊينز خلاف لکنئو سپر جائنٽس مقرر 20 اوورن ۾ 8 وڪيٽن جي نقصان تي 203 رنسون ٺاهيون، ممبئي انڊينز لاءِ ڪپتان هاردڪ پانڊيا شاندار بالنگ ڪئي 4 اوورن ۾ 36 رنسون ڏئي 5 وڪيٽون ورتيون، ان سان گڏ هاردڪ پانڊيا آءِ پي ايل ۾ 5 وڪيٽون وٺندڙ پهريون ڪپتان بڻجي ويو. پانڊيا ٽي 20 ڪرڪيٽ ۾ پهريون ڀيرو هڪ ميچ ۾ 5 وڪيٽون ورتيون.204 رنسن جي هدف جي جواب ۾، ممبئي انڊينز جي ٽيم مقرر 20 اوورن ۾ 5 وڪيٽن جي نقصان تي 191 رنسون ٺاهي سگهي.اهڙي طرح، لکنؤ سپر جائنٽس ممبئي انڊينز کي 12 رنسن تان شڪست ڏني.
