گوجرانوالا (ويب ڊيسڪ)دهشتگردي ٽوڙ عدالت صنم جاويد جو 4 ڏينهن جو جسماني رمانڊ منظور ڪري ورتو.پاڪستان تحريڪ انصاف (پي ٽي آءِ) اڳواڻ صنم جاويد کي گوجرانوالا جي دهشتگردي ٽوڙ عدالت (اي ٽي سي) ۾ پيش ڪيو ويو. هو 10 جون تي ٻيهر عدالت ۾ پيش ڪيو وڃي .پوليس صنم جاويد جي 30 ڏينهن جي جسماني رمانڊ جي درخواست ڪئي هئي. صنم جاويد جي وڪيلن کيس ڪيس مان بري ڪرڻ لاءِ دليل مڪمل ڪري ورتا.ٻڌڻي دوران عدالت جي اجازت سان صنم جاويد به ڳالهايو.صنم جاويد چيو ته هاءِ پروفائيل اجلاس ۾ سازش جي ڳالهه ٿي آهي، ان وقت هو پي ٽي آءِ جي نه ڪارڪن نه عهديدار هيس.عدالت صنم جاويد جي وڪيلن پاران عدالت اندر وڊيو ٺاهڻ جو نوٽيس ورتو ۽ وڊيو ٺاهڻ وارن وڪيلن کي سخت ڇنڊ پٽي، صنم جاويد جي وڪيلن عدالت کان معافي وٺي ڇڏي.ان بعد صنم جاويد جي وڪيل ميان علي اشفاق ميڊيا سان ڳالهائيندي چيو ته صنم جاويد کي گذريل ڏينهن سرگوڌا مان دهشتگردي جي 11 ڪيس ۾ گرفتار ڪيو ويو هو. وڪيل ميان علي اشفاق چيو ته ڏوهه ثابت ڪرڻ لاءِ ٽي بنيادي شيون آهن. ڪيس جون حقيقتون ڇا آهن، ثبوت ۽ قانوني جواز ڇا آهن. هن چيو ته ٽنهي نقطن تي عدالت کي مطمئن ڪرڻ جي ڀرپور ڪوشش ڪئي آهي، صنم جاويد بيگناهه آهي، کيس ڪيس مان بري ڪيو وڃي
![](https://www.dailysindhyar.com/wp-content/uploads/2023/10/Sanam-Javed.jpg)