لاهور (ويب ڊيسڪ)گرانٽ بريڊ برن کي پاڪستان ڪرڪيٽ ٽيم جو هيڊ ڪوچ مقرر ڪيو ويو آهي.پاڪستان ڪرڪيٽ بورڊ موجب گرانٽ بريڊ برن کي 2 سالن لاءِ پاڪستاني ٽيم جو هيڊ ڪوچ مقرر ڪيو ويو آهي.گرانٽ بريڊ برن نيوزيلينڊ خلاف تازي سيريز ۾ صلاحڪار جي حيثيت سان ڊيوٽي ڪري رهيو هو، جيڪا پاڪستان چئن- هڪ تان کٽي هئي.پاڪستاني ٽيم چوٿين ميچ کٽي عالمي ون ڊي رينڪنگ ۾ پهرين نمبر تي اچي وئي آهي.گرانٽ بريڊ برن ان کان اڳ 2018ع کان 2020ع تائين پاڪستاني ٽيم جو فيلڊنگ ڪوچ رهيو، جنهن کانپوءِ هن نيشنل ڪرڪيٽ اڪيڊمي ۾ به خدمتون سرانجام ڏنيون.نيوزيلينڊ سان تعلق رکندڙ بريڊ برن اسڪاٽ لينڊ جو هيڊ ڪوچ پڻ رهيو آهي.پاڪستان ڪرڪيٽ بورڊ مئنيجمينٽ ڪميٽي جي چيئرمين نجم سيٺي جو چوڻ آهي ته بريڊ برن کي هيڊ ڪوچ مقرر ٿيڻ تي خوشي آهي.هن چيو ته هو تمام تجربيڪار ڪوچ آهي ڇاڪاڻ ته هو ان کان اڳ پاڪستان ڪرڪيٽ بورڊ سان لاڳاپيل رهيو آهي ان ڪري هو اسان جي ڪلچر کي چڱي ريت سمجهي ٿو.
